Ипотека банк ОТП Гроуп Ўзбекистонда Привате Банкинг хизматини йўлга қўймоқда

**Ипотека банк ОТП Гроуп Ўзбекистонда Привате Банкинг хизматини ишга туширмоқда**

Тошкент, 2026-йил 3-ноябр — Ипотека банк ОТП Гроуп Ўзбекистонда Привате Банкинг йўналишини йўлга қўйди. Белгиланган мезонларга мос келадиган мижозларга шахсий банк хизмати, индивидуал молиявий ечимлар, алоҳида ёндашув ва бир қатор қўшимча имтиёзлар таклиф этилади. Янги йўналиш ОТП Гроупънинг Привате Банкинг соҳасидаги қарийб 30 йиллик тажрибасига таянган ҳолда, Ўзбекистон бозорининг ўзига хос жиҳатларини ҳам ҳисобга олади.

Привате Банкинг — капитални бошқариш, уни сақлаш ва кўпайтиришда шахсий кўмак муҳим бўлган, мураккаброқ молиявий эҳтиёжларга эга мижозлар учун мўлжалланган махсус хизмат кўрсатиш шаклидир. Одатда бундай формат мижозларнинг узоқ муддатли молиявий мақсадларига эришишига ёрдам бериб, банк ва инвестиция хизматлари, маслаҳатлар ҳамда шахсий ёндашувни бирлаштиради.

Привате Банкинг йўналишининг йўлга қўйилиши Ипотека банк ривожида муҳим босқич ҳисобланади. У имтиёзли шартлар, шахсий ёндашув, ихтисослаштирилган Привате Банкинг офисида хизматлардан фойдаланиш имконияти ва қўшимча афзалликлар орқали белгиланган мезонларга жавоб берадиган мижозларга шахсий банк хизматини янги босқичга олиб чиқади.

“Привате Банкинғнинг ишга туширилиши Ипотека банк ОТП Гроуп ва Ўзбекистондаги эксклюзив банк хизматларини ривожлантиришда муҳим босқич ҳисобланади. Биз учун бу шунчаки янги бизнес йўналишини очиш эмас, балки Гуруҳнинг халқаро стандартларига мувофиқ мижозларга хизмат кўрсатиш сифатини доимий равишда оширишдир. Ишончимиз комилки, ОТП Гроуп тажрибасини маҳаллий бозор ҳақидаги билимлар ва Ипотека банк имкониятлари билан уйғунлаштириш бизга узоқ муддатли истиқболда мижозларимизга фойда келтириш ҳамда Ўзбекистонда премиум банк сегментини янада ривожлантиришга ҳисса қўшиш имконини беради”,

— деди Ипотека банк ОТП Гроуп Бошқаруви раиси Адам Сентпетери.

“Тадбиркорлар, бизнес эгалари ва юқори бўғин раҳбарлари орасида шахсий банк хизматларига бўлган талаб ортиб бораётганини кузатмоқдамиз. Ушбу мижозларга нафақат молиявий маҳсулотлар, балки банк хизматларидан қулай фойдаланиш имконияти, имтиёзли шартлар ва ўз банки билан барқарор муносабатлар ҳам зарур. Ипотека Банкъдаги Привате Банкинг индивидуал ёндашув ва юқори даражадаги сервисни ўзида мужассам этган алоҳида хизмат кўрсатиш модели туфайли ушбу талабларга тўлиқ жавоб беради”,

— деди Ипотека банк ОТП Гроуп Привате Банкинг департаменти раҳбари Руслан Лапин.

### Шахсий ҳамроҳлик ва имтиёзли банк хизматлари шартлари

Шахсий маслаҳатчи мижознинг банкдаги асосий алоқа вакили сифатида фаолият юритади, унинг сўровлари бўйича жараёнларни мувофиқлаштиради ҳамда Ипотека банкънинг Привате Банкинг йўналиши доирасида тақдим этиладиган маҳсулот ва хизматлардан фойдаланишда ёрдам беради.

Мижозларга омонатлар бўйича индивидуал молиявий ечимлар ва шартлар, банк операциялари учун имтиёзли тарифлар, валюталарни конвертация қилишнинг махсус шартлари ҳамда молиявий воситалар бўйича маслаҳатлар тақдим этилади.

Шунингдек, таклиф премиум Виса Инфините ва Узсард Шердор тўлов карталарини ҳам ўз ичига олади.

Мижозларга Тошкентдаги ОТП Гроуп халқаро стандартларига мувофиқ ташкил этилган ихтисослаштирилган Привате Банкинг офисида хизмат кўрсатилади. Офисда индивидуал хизмат кўрсатиш ва махфий маслаҳатлар учун алоҳида музокара хоналари мавжуд.

### Карталар бўйича эксклюзив имтиёзлар ва қўшимча афзалликлар

Белгиланган мезонларга жавоб берадиган мижозлар учун эксклюзив тўлов карталари бўйича кундалик ҳаёт ва саёҳатларга оид бир қатор имтиёзлар назарда тутилган. Ушбу афзалликлар тегишли тўлов тизимлари ва хизмат кўрсатувчи ҳамкорлар билан биргаликда тақдим этилади. Танланган карта ва амалдаги шартларга қараб, улар консьерж хизмати, саёҳат суғуртаси, аеропортларда Фаст Траск хизматлари, бизнес-класс трансферлари, ДрагонПасс дастури бўйича аеропортларнинг бизнес-залларига кириш имконияти, шунингдек, халқаро ва маҳаллий ҳамкорларнинг махсус таклифларини ўз ичига олиши мумкин.

“ОТП Гроуп учун Ўзбекистонда Привате Банкинг хизматини йўлга қўйиш, аввало, маҳаллий мижозларимиз учун янги имкониятлар яратиш ҳамда мамлакатда капитални бошқариш хизматларини янада ривожлантиришга ҳисса қўшиш демакдир. Ўзбекистонлик ҳамкасбларимиз билан биргаликда маҳаллий бозор ҳақидаги билимларни ОТП Гроупънинг Европа бозорларида тўплаган бой тажрибаси ва малакаси билан бирлаштириб, Ўзбекистондаги мижозларнинг эҳтиёжларини инобатга олган ҳолда Привате Банкинг таклифини ишлаб чиқдик. Бу борадаги илк муҳим натижага биргаликда эришганимиздан мамнунмиз. Бундай яқин ҳамкорлик мижозларимиз билан ишлаш учун мустаҳкам пойдевор яратиб, уларга янада кенгроқ турдаги индивидуал инвестицион ечимларни ҳамда мутахассисларнинг шахсий кўмагини таклиф этиш имконини беради”,

— деди ОТП Гроупънинг глобал бозорлар бўйича бошқарувчи директори Аттила Банфи.

### Офис манзили ва хизмат кўрсатиш шартлари

Привате Банкинг офиси қуйидаги манзилда жойлашган:

Тошкент шаҳри, Миробод кўчаси, 35-уй.

Умумий қиймати камида 750 миллион сўм (50 000 евро эквивалентида) бўлган активларга ёки камида 75 миллион сўм (5 000 евро эквивалентида) миқдоридаги мунтазам ойлик даромадга эга мижозлар Привате Банкинг хизматларидан фойдаланишлари мумкин.

Хизмат кўрсатиш шартлари ва мижозларга қўйиладиган талаблар ҳақида батафсил маълумотни Ипотека банк расмий веб-сайтидан ёки банкнинг алоқа марказидан +998 (78) 150-18-88 телефон рақами орқали олиш мумкин.

Ипотека банк ОТП Гроуп — халқаро ОТП Гроуп банклар гуруҳига кирувчи Ўзбекистондаги етакчи банклардан биридир. Бугунги кунда банк мамлакат бўйлаб 3,87 миллиондан ортиқ мижозга хизмат кўрсатади. 2026-йил 1-август ҳолатига кўра, банк активлар ҳажми бўйича Ўзбекистон банк секторида 7-ўринни эгаллайди. Ипотека банк чакана кредит портфели ҳажми бўйича етакчи ўринда бўлиб, ипотека кредитлаш бозорида ҳам мустаҳкам мавқега эга. Мижозлар садоқати индекси (НПС) бўйича ҳам Ипотека банк ОТП Гроуп Ўзбекистон банк секторида етакчи ўринни эгаллайди. Ипотека банк тармоғи мамлакат бўйлаб 90 дан ортиқ филиал ва хизмат кўрсатиш шохобчаларини қамраб олган. Банк жисмоний ва корпоратив мижозларга ипотека, истеъмол ва автокредитлар, омонатлар, микроқарзлар, корпоратив ҳамда рақамли банк хизматларини ўз ичига олган кенг турдаги молиявий хизматларни тақдим этади. 2023-йилдан буён Ипотека банк халқаро ОТП Гроуп банклар гуруҳининг таркибига киради.

### ОТП Гроуп ҳақида

ОТП Гроуп — Марказий ва Шарқий Европадаги энг тез ривожланаётган ҳамда етакчи мустақил банк гуруҳларидан бири бўлиб, юқори даражадаги даромадлилик, капитал ва ликвидлик бўйича барқарор мавқеи билан ажралиб туради. Гуруҳ қарийб 17,5 миллион мижозга универсал молиявий хизматларни тақдим этади ҳамда Марказий ва Шарқий Европа, шунингдек, Марказий Осиёнинг 11 та мамлакатида фаолият юритиб, қарийб 41 000 нафар ходимни бирлаштиради. ОТП Гроуп бош қароргоҳи Венгрияда жойлашган. ОТП Банк аксиялари 1995-йилдан буён Будапешт фонд биржасида муомалада бўлиб, гуруҳнинг мулкчилик тузилмаси диверсификацияланган ва шаффоф ҳисобланади.