Ҳафтанинг биринчи ярмида қатор ҳудудларда ёмғир ёғади
“Ўзгидромет” прогнозига кўра, ёғингарчилик 4-ноябрдан бошланади. Баланд тоғларда қор ёғиши кутилмоқда.
Ҳафтанинг бошида бир қатор ҳудудларда ёмғир ёғади
Ўзбекистонда 4-ноябрдан бошлаб айрим ҳудудларда ёмғир ёғиши кутилмоқда.
“Ўзгидромет” прогнозларига кўра, 2—3-ноябр кунлари Ўзбекистон ҳудудининг катта қисмида қуруқ ва илиқ об-ҳаво сақланиб туради. Кундузи ҳаво ҳарорати асосан 20-23 даража илиқ бўлади.
4-ноябр куни Бухоро, Навоий ва Сурхондарё вилоятларининг айрим жойларида, кечга томон эса республиканинг қолган ҳудудларида ёмғир ёғади. Шимолий ва шарқий ҳудудларда эса ёғингарчиликсиз об-ҳаво кузатилиши кутилмоқда.
5-ноябрда республиканинг марказий ва шарқий ҳудудларида фақат кечаси ва эрталаб айрим жойларда ёмғир ёғиши давом этади.
6-ноябрда ёғингарчилик кутилмайди, фақат Қорақалпоғистон Республикасининг шимолий ҳудудларида ёмғир ёғиши мумкин.
Ушбу кунларда ҳаво ҳарорати кечалари 7-12 даража илиқ атрофида, кундуз кунлари эса 4-5-ноябрда 18-23 даража илиқ, 6-ноябрда 23-25 даража илиқ, жанубий ҳудудларда эса 27 даража илиққача бўлади.
Ўзбекистоннинг тоғли ҳудудларида айрим жойларда ёмғир ёғади, баланд тоғларда эса қорга айланиши мумкин.
Тошкентда фақат 4-ноябр куни кечқурун ва 5-ноябрда кечаси ҳамда эрталаб бироз ёмғир ёғиши мумкин. Ҳаво ҳарорати кечалари 8-10 даража илиқ, кундуз кунлари 20-22 даража илиқ атрофида бўлади.
Ноябр ойи бўйича прогнозларга кўра, ушбу ойда ўртача ойлик ҳаво ҳарорати меъёр атрофида, айрим жойларда эса меъёрдан 1-1,5 даражага юқори бўлиши кутилмоқда. Ойнинг иккинчи ва учинчи ўн кунликларида ҳарорат фонида пасайиш кузатилади.