Фарғонада терговчи пора олганликда гумонланиб ушланди
У жиноят иши бўйича етказилган зарар миқдорини камайтириш ва айбланувчига нисбатан эълон қилинган қидирувни бекор қилиш эвазига пора олганликда гумон қилинмоқда.
Фарғонада терговчи пора олганликда гумон билан қўлга олинди
Фарғона вилоятида Иқтисодий жиноятларга қарши курашиш департаментининг Фарғона шаҳар бўлими терговчиси пора олганликда гумон қилиниб ушланди. Бу ҳақда Давлат хавфсизлик хизмати маълум қилди.
Билдирилишича, ДХХ ходимлари Бош прокуратуранинг Шахсий хавфсизлик бошқармаси билан ҳамкорликда тезкор тадбир ўтказган.
Тадбир чоғида терговчи Жиноят кодексининг 167-моддаси билан қўзғатилган жиноят иши доирасидаги тергов ҳаракатларини айбланувчи фойдасига ҳал қилиш, етказилган зарар миқдорини камайтириш ҳамда унга нисбатан эълон қилинган қидирувни бекор қилиб бериш эвазига пора олганликда гумон қилиниб ушланган.
Мазкур ҳолат бўйича терговчига нисбатан Жиноят кодексининг 210-моддаси 3-қисми “а” банди билан жиноят иши қўзғатилган. Ҳозирда тергов ҳаракатлари давом этмоқда.