Энн Карсон адабиёт бўйича Нобел мукофотини олди
Канада ёзувчиси Энн Карсон 2026 йил адабиёт бўйича Нобел мукофотига сазовор бўлди. Мукофот унинг новаторлик ижоди учун берилди.
Энн Карсон адабиёт бўйича Нобел мукофотига сазовор бўлди
Канадалик ёзувчи Энн Карсон 2026 йил адабиёт бўйича Нобел мукофотининг ғолиби бўлди. Мукофот унга классик анъана билан ўзига хос мулоқот орқали замонавий адабиётнинг янги шаклларини ярата олган жасоратли ва новаторона ижоди учун берилди. Бу ҳақда Нобел қўмитаси маълум қилди.
Қўмита баҳосига кўра, Карсоннинг кўп йиллик адабий фаолияти таржима соҳасидаги ишлари ва университетларда олиб борган ўқитувчилик фаолияти билан бир вақтда ривожланган.
Нобел қўмитаси унинг ижодий ёндашувининг бетакрорлигини алоҳида таъкидлаб, сўзга бўлган чуқур қизиқишни янги маъноларни излашга йўналтирилган поетик интилиш билан доимий равишда уйғунлаштириб келишини қайд этди.
Шу тариқа, Карсон 2025 йилда мукофотни олган венгриялик ёзувчи Ласло Краснахоркаидан сўнг адабиёт бўйича Нобел мукофотининг навбатдаги лауреати бўлди.
2026 йил Нобел мукофоти лауреатларини эълон қилиш жараёни 5 октябрдан 12 октябргача давом этади. Адабиётдан ташқари, бошқа бир қатор йўналишларда ҳам мукофот эгалари аллақачон эълон қилинган.
2026 йил физиология ва тиббиёт бўйича Нобел мукофоти Карл Дейссерот, Петер Хегеман ва Георг Нагелга оптогенетикани яратгани учун берилди.
Физика бўйича Нобел мукофоти космик нейтринони кашф этгани учун Френсис Халсенга топширилди.
2026 йил кимё бўйича Нобел мукофоти эса органик синтез соҳасидаги кашфиёти учун Анри Каган ва Кенсо Соаига берилди.