Эфиопия Тиграйдаги уруш фонида Россиянинг қирувчи самолётлари ва ҳаво ҳужумидан мудофаа тизимларини сотиб олди
Харбий самолётларнинг сотиб олиниши ўтган ойда шимолий Тиграй минтақасида бошланган ва ҳамон давом этаётган ҳарбий ҳаракатлар фонида юз бермоқда.
Эфиопия Тиграйдаги уруш фонида Россия қирувчи самолётлари ва ҳаво ҳужумидан мудофаа тизимларини сотиб олди
Қирувчи самолётларнинг сотиб олиниши Эритрея билан давом этаётган кескинлик манзарасида юз бермоқда
Эритрея билан чегарадош шимолий Тиграй минтақасида жанглар авж олган бир пайтда Эфиопия Россиядан 12 та Су-35 қирувчи самолётини қабул қилиб олди.
Москвадаги Россия-Африка саммитида иштирок этаётган Бош вазир Абий Аҳмед ушбу харидни Эфиопиянинг мудофаа салоҳиятини мустаҳкамлайдиган "муҳим босқич" деб атади.
Унинг айтишича, Эфиопия ва Россия бир неча йил олдин келишувга эришган ва ҳарбий самолётлар режалаштирилганидан олдин етиб келган. У, шунингдек, Эфиопия Москвадан тўртта С-400 ҳаво ҳужумидан мудофаа тизимини сотиб олишни режалаштираётганини айтди.
Эфиопия етакчисининг таъкидлашича, ҳарбий техника мамлакатни ташқи таҳдидлардан ҳимоя қилиш учун зарур.
Россия президенти Владимир Путинни "Эфиопиянинг яқин дўсти" деб таърифлаган Абий Эфиопия Саҳрои Кабирдан жанубдаги Африкада бундай "илғор жанговар технологияга" эга бўлган биринчи мамлакатга айланганини айтди.
"Агар биз бу салоҳиятни барпо эта олмасак, минтақамизда мамлакат сифатида омон қолиш қийинлашади. Етарлича тайёргарликка эга бўлган мамлакатларга лесончалик паст назар билан қараб бўлмайди", деди у.
Россия ва Эфиопия сўнгги йилларда бир нечта ҳарбий келишувларни, жумладан, 2021 йилда ҳарбийларни тайёрлаш ва уларнинг технологияларини такомиллаштириш бўйича битим тузган.
Абийнинг айтишича, Эфиопия дунё ҳаво кучлари тенденциялари ва мамлакат дуч келаётган хавфсизлик таҳдидларини ҳисобга олган ҳолда Су-35 самолётлари ва С-400 тизимларини олиш бўйича Россия билан бир неча йил олдин шартнома имзолаган.
Унинг таъкидлашича, Су-35 ҳам ҳаводаги, ҳам ердаги нишонларга қарши жанговар ҳаракатлар учун мўлжалланган бўлиб, 200 километргача бўлган масофада яқинлашаётган канатли ракеталарни аниқлаши ва йўқ қилиши мумкин.
Ҳарбий разведка таҳлилчиси Қалааб Сегату BBC Amharic хизматига берган интервьюсида Эфиопиянинг кўпроқ ҳарбий самолётлар сотиб олиши "у нафақат ички низоларга, балки бошқа мамлакатлар билан мумкин бўлган урушларга ҳам тайёргарлик кўраётганининг" асосий белгиси эканини айтди.
Унинг айтишича, қирувчи самолётлар юқори манёвр афзаллигига эга ва катта ҳудудларни қамраб олиши мумкин, уларнинг радарлари эса ҳавода устунликни таъминлаш ва узоқ масофали сканерлашни амалга оширишга қодир.
Қирувчи самолётлар ва ҳаво ҳужумидан мудофаа тизимлари биргаликда "йирик шаҳарлар ва Қайта тикланиш тўғони каби муҳим инфратузилмани ҳимоя қилиш ва мудофаа қилиш учун сезиларли имконият яратади ҳамда асосий стратегик ҳаво устунлигини таъминлайди", деди Қалааб.
Абийнинг айтишича, Россия самолётларининг илғор имкониятларидан ташқари, дронлар ҳам тийиб туриш кучини мустаҳкамлашда жуда муҳимдир.
Эфиопия яқиндаги низоларда ҳарбий дронлардан, жумладан Туркия ва Хитойдан олинган дронлардан кенг фойдаланди.
"Биз нафақат дронлар, балки Су-30 ва Су-35 [самолётларининг] тўрттинчи авлод имкониятлари билан ҳам салоҳиятимизни оширишимиз керак", деди Абий.
Россиянинг сўнгги ҳарбий техникасининг харид қилиниши ўтган ойда шимолий Тиграйда ҳукумат ва Тиграйни назорат қилувчи партия — Тиграй халқ озодлик фронти (ТХОФ) ўртасида бошланган жорий можародан кейин амалга оширилди.
Иккала томон ҳам бир-бирини фуқаролар урушини тугатган 2022 йилги келишувни бузганликда айбламоқда.
Эфиопия Эритреяни ТХОФни қўллаб-қувватлашда айблайди, Эритрея эса буни рад этади.
Икки мамлакат ўртасидаги кескинлик давом этмоқда, чунки Абий Эфиопиянинг денгизга тўғридан-тўғри чиқиш йўли йўқлигини "ҳаёт-мамот масаласи" деб таърифлайди, Эритрея эса буни ўз суверенитетига бевосита таҳдид сифатида кўради.
Эритрея Эфиопия билан ўнлаб йиллар давом этган урушдан сўнг 1993 йилда мустақилликка эришди ва Эфиопияни денгизга чиқиш имкониятисиз қолдирди.