Дунёнинг энг қурғоқчил чўлларидан бири гулзорга айланди
Чили шимолидаги кучли ёмғирлардан сўнг дунёнинг энг қурғоқчил ҳудудларидан бири - Атакама чўлида гуллар очилди. Мутахассислар гуллаш октабрда авжига чиқиши ва гуллар қарийб 15 минг гектар майдонни қоплаши мумкинлигини айтмоқда.
Дунёнинг энг қурғоқчил чўлларидан бири гулга бурканди
Накед Ссиенсе нашри АФП агентлигига таяниб хабар беришича, Эл-Нино билан боғлиқ жала ёмғирлари одатда қақраб ётадиган катта ҳудудларнинг кўринишини бутунлай ўзгартириб юборган.
Атакама тупроғида турли ўсимликларнинг уруғлари ва пиёзбошлари узоқ вақт давомида қулай шароитни кутиб ётган эди. Кучли ёғингарчилик сабаб намлик қумли тупроққа одатдагидан чуқурроқ сингиб, уларнинг униб чиқиши учун имкон яратган.
Гуллаш Чили пойтахти Сантягодан тахминан 800 километр шимолда жойлашган қўриқхона ҳудудида кузатилган. Чўлнинг гулларга бурканиши одамлар эътиборини тортмоқда.
Эл-Нино дунёнинг айрим ҳудудларига ғайриоддий иссиқ ва қурғоқчилик, бошқаларига эса кучли ёғингарчилик олиб келади. Хабарда айтилишича, Чилидаги жала ёмғирлари аҳоли учун оғир оқибатларга сабаб бўлган: 13 киши ҳалок бўлган, қарийб тўрт минг уй вайрон бўлган.