Дунёнинг энг нуфузли 50 нафар яҳудийлари эълон қилинди
Дунёнинг энг нуфузли 50 нафар яҳудийлари маълум қилинди
Тҳе Жерусалем Пост нашри дунёнинг энг нуфузли 50 нафар яҳудийси бўйича 2026-йилги рейтингни эълон қилди. Рўйхатга АҚШ президентининг куёви Жаред Кушнер ва унинг рафиқаси Иванка Трамп, Исроил бош вазири Бинямин Нетаняху ҳамда Украина президенти Владимир Зеленский ҳам киритилди.
Рейтинг тузувчилари Кушнерни биринчи ўринга муносиб деб топди. Бунга, аввало, унинг Ғазо секторидан исроиллик гаровдагиларни қайтаришдаги роли сабаб қилиб кўрсатилди. Жаред Кушнер АҚШ президенти маъмуриятининг можарони ҳал этишга қаратилган дипломатик саъй-ҳаракатларида қатнашган. 2025-йил октябр ойида Ғазода тирик қолган сўнгги 20 нафар гаровдаги шахс озод этилган, 2026-йил январига бориб эса ҳалок бўлганларнинг жасадлари ҳам Исроилга қайтарилган. Рейтингни шакллантиришда иштирокчиларнинг машҳурлиги эмас, балки уларнинг таъсири баҳоланган.
Кушнернинг рафиқаси Иванка Трамп ҳам рейтингда биринчи ўринга қўйилган. Бунда унинг исроиллик гаровдагилар оиласини очиқ қўллаб-қувватлагани ва улар озод этилиши муносабати билан ўтказилган тадбирларда қатнашгани инобатга олинган.
Иккинчи ўринни Исроил бош вазири Бинямин Нетаняху эгаллади. Рейтинг муаллифлари уни ўнлаб йиллар давомида мамлакат ички сиёсатини белгилаб келаётган ва кўп жиҳатдан Исроилнинг хориждаги тимсолига айланган шахс сифатида таърифлаган. Нетаняхунинг Исроил ва бутун дунёдаги яҳудий жамоаларига таъсири юқори баҳоланган.
Учликни исроиллик сиёсатчи ва Бош штабнинг собиқ бошлиғи Гади Айзенкот якунлади. Жерусалем Пост уни бўлажак бош вазирликка номзод сифатида кўриб чиқмоқда. Тўртинчи ўринни собиқ бош вазир Нафтали Беннет, бешинчи ўринни эса Бутунжаҳон яҳудийлар конгресси президенти Роналд Лаудер эгаллади. Кейинги поғоналарни миллиардер Мириам Аделсон, Виз компанияси асосчиси Асаф Раппапорт ва АҚШ савдо вазири Говард Латник олди.
Тўққизинчи ўринда технология соҳаси етакчилари Сем Алтман (ОпенАИ бош директори) ва Марк Сукерберг (Мета раҳбари) қайд этилди. Антҳропис бош директори Дарио Амодеи эса 26-ўринни эгаллади. Исроил президенти Исхак Герсог (14-ўрин) ва бир қатор вазирлар (15-ўрин) ҳам рейтингдан жой олган. Хорижий давлат етакчиларидан Украина раҳбари Владимир Зеленский (21-ўрин) ва Мексика президенти Клаудия Шейнбаум (25-ўрин) рўйхатга киритилган.
Владимир Зеленский: Украина қаршилигининг юзига айланган яҳудий президенти... У ҳеч қачон ўзининг яҳудий эканига алоҳида урғу бермаган. Эҳтимол, бу унинг яҳудийларга хос хусусиятидир, деб таъкидлайди Тҳе Жерусалем Пост.
Нашр Зеленскийнинг бобоси Иккинчи жаҳон уруши пайтида Украинани нацистлардан ҳимоя қилганини ва президент оиласининг кўплаб аъзолари Холокост пайтида ҳалок бўлганини эслатди.