Бурж Халифани ортда қолдирадиган бир километрлик бино қурилмоқда
Саудия Арабистонида баландлиги камида бир километр бöладиган Жеддаҳ Товер осмонöпар биноси барпо этилмоқда. Қурилиş тугалланса, у Бурж Халифани ортда қолдириб, дунёдаги энг баланд бинога айланиşи кутилмоқда. Айни пайтда БАА, Хитой ва Бразилияда ҳам баландлиги 500 метрдан оşадиган улкан миноралар қурилмоқда.
Бурж Халифадан ҳам баландроқ бир километрлик бино бунёд этилмоқда
Осмонўпар бинолар қурилиши бугун фақат дадил меъморий ғояларни рўёбга чиқариш билангина чекланмаяпти. Бундай иншоотлар шаҳарларга сармоя жалб қилиш, янги ишбилармонлик марказларини шакллантириш ва мамлакатларнинг муҳандислик салоҳиятини намойиш этишга хизмат қилади.
Қуйида ҳозир қурилаётган энг баланд еттита бино лойиҳавий баландлиги бўйича камайиш тартибида келтирилган. Рўйхатга қурилиш ишлари бошланган обьектлар киритилган; фақат майдон тайёрланаётган ёки ишлари тўхтатиб қўйилган лойиҳалар ҳисобга олинмаган.
**Жеддаҳ Товер - Жидда, Саудия Арабистони**
**Лойиҳавий баландлиги - камида 1000 метр.**
Аввал Кингдом Товер номи билан танилган бу осмонўпар бино дунёдаги энг баланд иншоотлар ҳақидаги тасаввурни ўзгартиришга даъвогар. Лойиҳада унинг баландлигини бир километрдан ошириш, қаватлар сонини эса тахминан 167 тага етказиш кўзда тутилган.
Қурилиш тугаллангач, Жеддаҳ Товер Бурж Халифадан баланд бўлиши ва жаҳон рекордини янгилаши кутилмоқда.
Минора келажакдаги Жеддаҳ Эсономис Ситй мажмуасининг марказий иншооти сифатида режалаштирилган. Шу боис у алоҳида бино бўлиш билан бирга, янги шаҳар ҳудудини ривожлантириш лойиҳасининг ҳам асосий қисми ҳисобланади.
**Бурж Азизи - Дубай, БАА**
**Лойиҳавий баландлиги - 725 метр.**
Азизи Девелопменц компанияси Дубайнинг Шайх Зайд шоҳкўчасида барпо этаётган минора қурувчи компания номи билан аталган. У шаҳарнинг энг баланд ва кўзга ташланадиган биноларидан бирига айланиши режалаштирилган.
725 метрлик кўрсаткич ҳозирги тайёр бинолар билан таққосланганда, Бурж Халифадан кейинги баландликдир. Бироқ Бурж Азизиънинг келажакдаги жаҳон рейтингидаги ўрни бошқа лойиҳалар, хусусан, Жеддаҳ Товер қачон тугалланишига ҳам боғлиқ.
Минора аввал режалаштирилган Энтисар Товер ўрнида қурилмоқда. Мейдан компаниясининг бекор қилинган ўша лойиҳасида 570 метрлик, 122 қаватли бино барпо этиш кўзда тутилган эди.