Бокс бўйича Ўзбекистон терма жамоаси Японияда йиғинни бошлади
Бокс бўйича Ўзбекистон терма жамоаси Осиё ўйинларига тайёргарликнинг якуний босқичи учун Японияга жўнаб кетди ва Нисиода йиғин ўтказади.
Бокс бўйича Ўзбекистон терма жамоаси Японияда йиғинни бошлади
Бокс бўйича Ўзбекистон миллий жамоаси Осиё ўйинларига тайёргарликнинг якуний босқичини ўтказиш учун Японияга учиб кетди. Бу ҳақда Ўзбекистон бокс федерацияси хабар бермоқда.
Мусобақалар олдидан ўзбекистонлик спортчилар Нисио шаҳридаги спорт базасида халқаро қўшма ўқув-машғулот йиғинини ташкил этишади. Биринчи босқич 2–9 сентябрь кунлари бўлиб ўтади, иккинчиси эса 9–16 сентябрга мўлжалланган.
Тайёргарликнинг якуний босқичида жамоа мураббийлар штаби раҳбарлигида машғулотларни давом эттиради. Йиғиннинг мақсадларидан бири — боксчиларни бўлажак мусобақалар бўлиб ўтадиган шароитларга мослаштиришдир.
Японияга йўл олган терма жамоа таркибидан Самандар Олимов, Асилбек Жалилов, Фарёзбек Дўстматов, Абдумалик Халоков, Санжарбек Ваҳобов, Абдураҳмон Маҳмуджонов, Дилшод Абдумуродов, Илҳомжон Эргашев, Шавкатжон Болтаев, Абдуллоҳ Мадаминов, Фазлиддин Эркинбоев, Нурислом Исмоилов, Норбек Абдуллаев, Тўрабек Ҳабибуллаев, Акмалжон Исроилов, Ҳалимжон Мамасолиев, Арман Маханов ва Жаҳонгир Зокиров ўрин олган.
Миллий жамоа бош мураббийи — Тўлқин Қиличев.
Мураббийлар штабига Хуан Энрике Стейнерс, Раҳматжон Рўзиохунов, Акмал Ҳасанов, Даврон Ғафуров, Нодир Ғуломов, Алимардон Дўстонов, Шерзодбек Аҳмаджонов, Ботир Маҳмудов, Дмитрий Синитский ва Жавлон Эшматов кирган.
Терма жамоанинг тиббий таъминотини шифокор Комилжон Расулов ва физиотерапевт Хесус Альберто таъминламоқда.