Бўйи тўрт метр, икки қўлида ярим тонна юк - Хитойда улкан робот намойиш этилди
Хитойнинг НеодраДйнамисс Роботисс компанияси бўйи қарийб тўрт метр бўлган Нео1 одамсимон роботини тақдим этди. Ишлаб чиқарувчининг маълум қилишича, унинг икки қўли жами 500 килограмм юк кўтаришга мўлжалланган. Робот оғир ва инсон учун хавфли саноат ишларини бажариш мақсадида ишлаб чиқилган.
Бўйи тўрт метр, икки қўлида ярим тонна юк - Хитойда улкан робот намойиш этилди
Унда юқори куч ва ҳаракат аниқлигини таъминлаш учун гидравлик механизмлар электр юритмалар билан уйғунлаштирилган.
Робот 41 та фаол эркинлик даражасига эга — бу унинг турли йўналишларда мураккаб ҳаракатларни бажаришига имкон беради. Бўғимларнинг 39 тасида компания ишлаб чиққан ихчам рақамли гидравлик юритмалар, билак қисмидаги иккита айланувчи бўғимда эса электр юритмалар қўлланган.
Компания маълумотига кўра, ҳар бир гидравлик юритма қарийб бир килограмм келади ва бир неча тонналик куч ҳосил қила олади. Бу рақам роботнинг умумий юк кўтариш қувватидан фарқ қилади: икки қўл учун эълон қилинган жами кўрсаткич 500 килограммни ташкил этади.
Ишлаб чиқарувчи Нео1ъни оғир ускуна қисмларини йиғиш, портларда юк ташиш, юқори ҳарорат ва бошқа ноқулай шароитларда ишлатиш имкониятларини кўриб чиқмоқда.
Атом саноати ҳам эҳтимолий қўллаш йўналишларидан бири сифатида тилга олинган. Компания радиацияга чидамли гидравлик модуллар роботдан ядро ёқилғиси билан ишлаш ва ускуналарга хизмат кўрсатишда фойдаланиш имконини бериши мумкинлигини билдирган. Бироқ бунинг учун бутун тизимнинг тегишли хавфсизлик талабларига мувофиқлиги тасдиқланиши керак.
Шунингдек, роботни сув остидаги техник ишлар, кончилик, конструксияларни қисмларга ажратиш ва вайроналарни тозалашга мослаштириш имкониятлари ҳам қайд этилган.
Ҳозирча булар режалаштирилаётган қўлланиш соҳаларидир. Нео1ънинг ҳақиқий саноат шароитида узоқ муддат ишлаши, чидамлилиги ва самарадорлиги қўшимча синовларда тасдиқланиши лозим.