АҚŞ Россия газини Украина орқали Европага қайтармоқçи - ВСЖ
АҚŞ Россия газини Украина ҳудуди орқали Европага етказиб бериşни қайта тиклаş таклифини илгари сурмоқда. Тҳе Валл Стреет Жоурнал манбаларига кöра, газни америкалик воситаçи орқали сотиş режаси Москва ва Киев öртасида энергетик сулҳга эриşиş музокараларининг бир қисми ҳисобланади. Европада эса бу таşаббус Россия энергия ресурсларидан воз кеçиş сиёсатига путур етказиşидан хавотирда.
АҚŞ Россия газини Украина орқали Европага қайта олиб киришни истамоқда - ВСЖ
Газета 1-ноябр куни америкалик, европалик ва украиналик расмийларга таяниб ёзишича, АҚŞ музокарачилари Жаред Куşнер ва Стив Уиткофф бу ғояни сентабр ойида Москва ва Киевга қилган ташрифлари чоғида муҳокама қилган.
Таклиф Россия газини америкалик воситачи орқали сотишни кўзда тутади. Нашрга кўра, бундай механизм Европа санксияларини четлаб ўтиш имконини бериши ва америкалик инвесторлар учун даромадли имкониятлар яратиши кутилмоқда.
Вашингтон ноябр ойида Абу-Дабида ўтказилиши режалаштирилган АҚŞ, Россия ва Украина ўртасидаги уч томонлама музокаралар олдидан энергетика обьектларига зарба беришни тўхтатиш бўйича кенг қамровли келишувга эришмоқчи.
ВСЖ манбаларига кўра, АҚŞ маъмурияти Россиянинг Европа газ бозорига қайтишини Владимир Путинни энергетик сулҳни қўллаб-қувватлашга ундайдиган қўшимча рағбат сифатида кўрмоқда. Украина эса газни ўз ҳудудидан ўтказиш эвазига қўшимча транзит даромади олиши мумкин.
Америкалик расмийлардан бирининг айтишича, Оқ уй Россия газини Европага сотишдан тушадиган маблағларни учинчи юрисдиксиядаги махсус ҳисобвараққа ўтказишни ҳам таклиф қилган. Бу механизм тушумларни ҳарбий мақсадларда ишлатишни чеклаши кўзда тутилмоқда.
Бироқ ташаббус Европада жиддий қаршиликка учрамоқда. ВСЖ ёзишича, Европа Иттифоқининг амалдаги қонунчилиги Россия гази импортидан 2027-йил охиригача босқичма-босқич воз кечишни назарда тутади. Европанинг йирик давлатлари раҳбарлари ҳам Россия энергия ресурсларига яна қарам бўлиб қолишни истамаслигини бир неча бор билдирган.
Нашр келтирган маълумотларга кўра, Россия газининг Европа истеъмолидаги улуши Украинанинг кенг кўламли босқини арафасидаги 45 фоиздан ҳозир тахминан 11 фоизга тушган. Айни пайтда Европадаги газ истеъмолининг қарийб 30 фоизи АҚŞдан етказилаётган суюлтирилган табиий газ ҳисобига таъминланмоқда.
Айрим европалик расмийлар хусусий суҳбатларда муҳокама қилинаётган таклифни кескин танқид қилган. Шунга қарамай, Трамп маъмурияти Европанинг амалдаги қаршилиги омма олдидаги баёнотлардагидан юмшоқроқ бўлишига умид қилмоқда. Вашингтон ҳисобича, энергия нархларининг юқорилиги ва таъминот хавфсизлигига оид хавотирлар Европа давлатларини бундай таклифларга мойилроқ қилиши мумкин.