АҚШ ҳарбийлари сунъий интеллект хатоси сабаб Хитой кемасига ҳужум қилишига оз қолди — СНН
АҚШ ҳарбийлари сунъий интеллектдаги хато туфайли Хитой кемасига ҳужум қилиш арафасида қолган — СНН
СНН манбаларга таяниб хабар беришича, АҚШ ҳарбийлари шу йил баҳорида сунъий интеллектдаги хато сабаб Хитой кемасини ушлаб қолиш бўйича операция бошлашига бир қадам қолган.
Телеканал маълумотига кўра, АҚШ ҳарбий разведкаси таҳлилчиси Хитой кемасининг юк манифестига доир маълумотларни чатбот ёрдамида таҳлил қилган. Сунъий интеллект очиқ манбалардаги ахборотни махфий разведка маълумотлари билан бирлаштириб, кема Эроннинг ядровий қурол дастурига алоқадор қисмларни олиб кетаётгани ҳақида нотўғри хулоса чиқарган.
Ҳисобот олингач, АҚШ ҳарбийлари дарҳол ҳаракат режасини ишлаб чиқишга киришган. Кемага чиқиш учун ҳарбий хизматчилар тайёрланган, шунингдек, ҳарбий самолётлар ҳавога кўтарилган.
Аммо операция бошланишига оз вақт қолганида амалдорлар ҳисоботни батафсил текширишга қарор қилган. Шунда ҳужжат сунъий интеллект ёрдамида тайёрлангани ва чатбот ташилаётган юкни нотўғри аниқлагани маълум бўлган.
СНН манбаларидан бири ҳисоботни “бутунлай ёлғон ва деярли уруш бошланишига сабаб бўладиган” ҳужжат деб таърифлаган. Телеканал қайд этишича, АҚШнинг Хитой кемасига қарши ҳар қандай ҳарбий операцияси икки давлат ўртасида қуролли тўқнашувга олиб келиши мумкин эди.
СНН маълумотига кўра, АҚШ расмийлари ҳарбий ва разведка тизимларининг деярли барча йўналишларида, жумладан, “хом маълумотлар”ни қайта ишлаш ва зарба бериладиган нишонларни аниқлашда сунъий интеллектдан фойдаланишни кенгайтиришга интилмоқда.
Мазкур ҳолатда ҳарбий таҳлилчи аввал чатботга кема манифестига оид разведка маълумотларини таҳлил қилдирган. Сўнг яна сунъий интеллектдан фойдаланиб ҳисобот тайёрлаган ва уни юқори раҳбариятга тақдим этган.
АҚШ Мудофаа вазирлиги сўнгги йилларда ҳарбий соҳада сунъий интеллектдан фойдаланишни фаол кенгайтирмоқда. Ўтган йили Пентагон Илон Маскнинг хАИ компанияси билан сунъий интеллектни вазирлик фаолиятига жорий этишни тезлаштириш бўйича 200 миллион долларлик шартнома тузган.
Шунингдек, АҚШ Мудофаа вазирлиги ОпенАИ ва Антҳропис компаниялари билан ҳам шартномалар имзолаган.
Аввалроқ Тҳе Валл Стреет Жоурнал Доналд Трамп маъмурияти Эрон ҳудудига йирик ҳаво зарбасини режалаштиришда Антҳропис компаниясининг сунъий интеллект технологиясидан фойдалангани ҳақида ёзган эди.
Кейинчалик Пентагон ва Антҳропис ўртасида можаро юзага келган. Компания раҳбари Дарио Амодеи сунъий интеллект технологиясидан инсон назоратисиз кузатув ёки автоном қуроллар учун фойдаланилмаслиги бўйича кафолат талаб қилган.
Август ойининг охирида Пентагоннинг тадқиқот ва ишланмалар бўйича раҳбари, бош технология директори Эмил Майкл Мудофаа вазирлиги тизимларида Антҳропис сунъий интеллектидан фойдаланишни сентябр охиригача тўлиқ тўхтатишни режалаштираётганини билдирган.