Америкалик эркак канселярия резиналаридан улкан шар ясаб, Гиннеснинг рекордлар китобидан жой олди ( видео)
Клод резина тасмаларини йиғишни бундан 10—11 йил аввал, шифокор кўригига қатнаб юрган кезлари бошлаган.
Америкалик эркак канселярия резиналаридан улкан шар ясаб, Гиннеснинг рекордлар китобига кирди (видео)
АҚШнинг Детройт шаҳрида истиқомат қилувчи Клод П. Мур канселярия резиналаридан дунёдаги энг катта шарни тайёрлаб, Гиннеснинг рекордлар китобидан жой олди.
Клод резина тасмаларини йиғишни 10—11 йил аввал, шифокор кўригига бориб-келиб юрган пайтларида бошлаган. 2015-йилда эса унинг ҳамкасблари йиғилган резиналардан улкан шар ясашни таклиф қилган. Вақт ўтиши билан шар шу қадар катталашганки, у гаражга сиғмай қолган ва уни махсус омбор контейнерига кўчиришга тўғри келган.
Охир-оқибат шарнинг вазни 5251 килограммга етган, бу тахминан катта ёшли фил оғирлигига тенг. Улкан шарни ўлчаш ва рекордни қайд этиш учун махсус кран ҳамда ўнлаб одамлар ёрдамида уни Белл Айл оролига олиб чиқишган. У ерда Гиннеснинг рекордлар китоби расмий вакили янги жаҳон рекордини тасдиқлаган.
Аввалги рекорд 2008-йилда Флорида штатида яшовчи Жоел Уол томонидан ўрнатилган эди. У йиғган резина тасмаларидан ясаган шарнинг вазни 4097 килограммни ташкил қилган.