Маҳаллий
Алимент қарзини тўламаган 26 киши бир вақтда қамоққа олинди
Қарши шаҳрида алимент тўлаш мажбуриятини бажармаган 60 нафар қарздорнинг иши сайёр суд мажлисида кўриб чиқилди. Уларнинг 26 нафарига 15 сутка маъмурий қамоқ жазоси тайинланди.
Алимент қарзини тўламаган 26 киши бир вақтнинг ўзида қамоққа олинди
Мажбурий ижро бюросининг Қарши шаҳар бўлимида ўтказилган сайёр суд мажлисида алимент тўлашдан бош тортган қарздорларга оид тўпланган ҳужжатлар кўриб чиқилди.
Суд қарорига мувофиқ, 26 нафар қарздорга 15 суткадан маъмурий қамоқ жазоси белгиланди. Яна 26 нафар қарздор суд мажлиси жараёнида алимент бўйича қарздорлигини тўлиқ ёпгани сабабли, уларга нисбатан иш юритиш қонунда белгиланган тартибда якунланди.
Қолган 8 нафар қарздорга эса алимент тўлаш мажбуриятини бажариш учун муддат берилди.