Хотира ва мия ҳолатини яхшиловчи мева номи айтилди
Олимлар Фрагнҳам Ҳеарт Студй тадқиқотида ўртача ёши 61 бўлган 1771 иштирокчининг маълумотларини таҳлил қилишди.
Хотира ва мия фаолиятини яхшиловчи мева аниқланди
"Фоод & Фунстион (Ф&Ф)" журналида чоп этилган тадқиқот муаллифларининг хулосасига кўра, ёнғоқни мунтазам истеъмол қилиш, айниқса, кам ҳаракатланадиган ва соғлом овқатланишга риоя қилмайдиган шахсларда когнитив қобилиятларни яхшилаши мумкин.
Тадқиқотчилар Фрагнҳам Ҳеарт Студй доирасида ўртача ёши 61 бўлган 1771 нафар иштирокчининг маълумотларини таҳлил қилдилар. Улар ёнғоқ истеъмоли одатлари, хотира ва фикрлаш тестлари натижалари, мия ҳажми, нейротрофик омиллар даражаси ҳамда кейинги 10 йил ичида инсулт ва деменсия ҳолатларини баҳоладилар.
Инсултни бошдан кечирмаган иштирокчилар орасида ёнғоқни кўпроқ истеъмол қилиш умумий когнитив кўрсаткичларнинг яхшиланиши билан боғлиқ эканлиги аниқланди. Бу боғлиқлик айниқса, жисмоний фаоллиги паст ёки овқатланиш сифати ёмон бўлган иштирокчилар гуруҳида яққол намоён бўлди. Жисмонан фаол шахслар орасида эса ёнғоқ истеъмоли умумий мия ҳажмининг катталашиши билан ҳам боғлиқ эди.
Шу билан бирга, 10 йиллик кузатув даврида ёнғоқ истеъмоли инсулт ёки деменсия ҳолатларининг камайиши билан бевосита боғлиқ эмаслиги қайд этилди.
Аввалроқ олимлар бодомни ҳар куни истеъмол қилиш уйқу сифатини яхшилашга ёрдам беришини аниқлаган эдилар.