Тошкентда болалар мунтазам қийнаб келинган боғча лицензияси бекор қилинди.
Суд Мактабгача ва мактаб таълими вазирлигининг “Райян Кидс Ланд” оилавий корхонасига нисбатан лицензияни бекор қилиш тўғрисидаги аризасини қаноатлантирди. Ушбу оилавий корхонага қарашли Райян Кидс боғчасида тарбиячи болаларни турли хил усулларда, ҳатто оғзига латта тиқиб қийнагани аниқланганди. Тарбиячининг бу ҳаракатлари кузатув камераларига тушиб қолган..
Тошкентда болалар мунтазам равишда қийналган боғча лицензияси бекор қилинди. Суд Мактабгача ва мактаб таълими вазирлигининг “Райян Кидс Ланд” оилавий корхонасига нисбатан лицензияни бекор қилиш тўғрисидаги аризасини қаноатлантирди. Ушбу оилавий корхонага тегишли Райян Кидс боғчасида тарбиячи болаларни турли усуллар билан, ҳатто оғзига латта тиқиб қийнагани аниқланган. Тарбиячининг бу ҳаракатлари кузатув камераларига тушиб қолган.
Учтепа туманидаги Райян Кидс боғчасига берилган лицензия бекор қилинди. Бу ҳақда Тошкент шаҳар судлари матбуот хизмати маълум қилди.
Тошкент туманлараро иқтисодий судида Мактабгача ва мактаб таълими вазирлигининг “Райян Кидс Ланд” оилавий корхонасига нисбатан лицензияни бекор қилишга оид ариза кўриб чиқилган.
Муҳокама якунида суднинг ҳал қилувчи қарори билан оилавий корхонага нодавлат таълим хизматларини кўрсатиш учун 2025 йил 13 августда берилган лицензия бекор қилинди. Раислик қилувчи суд ҳужжати мазмуни ва унга нисбатан шикоят қилиш тартиби ҳамда муддатларини тушунтирди.
Шунингдек, Kun.uzънинг аниқлашича, Райян Кидс боғчаси тарбиячиси Г.A.ga нисбатан Жиноят кодексининг 110-моддаси (қийнаш) 2-қисми “а, в” бандлари билан жиноят иши қўзғатилган. Учтепа туман судининг 2026 йил 3 июлдаги ажрими билан унга уй қамоғи тарзидаги эҳтиёт чораси қўлланган.
Аввалроқ ушбу боғча тарбиячиси болаларни турли усулларда қийнаб келгани аниқланган эди. У ҳатто йиғлаётган бола оғзига латта тиқиб, уни қийнаган. Kun.uzъга интервю берган ота-оналар боғчада болаларга игна санчиб қийнаш ҳолатлари ҳам бўлганини айтишган.