Маҳмуд Аҳмадинажод атрофидаги сирли ўйин: «Моссад билан ҳамкорлик»
Тҳе Нев Ёрк Тимес нашрида эълон қилинган суриштирув Эроннинг собиқ президенти Маҳмуд Аҳмадинажод атрофидаги энг шов-шувли даъволардан бирини ўртага чиқарди. Нашрнинг ёзишича, Исроилнинг ташқи разведка хизмати — Моссад бир неча йил давомида Аҳмадинажод билан алоқа ўрнатишга уринган ва уни Эронда эҳтимолий сиёсий ўзгаришлардан кейинги раҳбар сифатида кўрган. Бу...
Маҳмуд Аҳмадинажод атрофидаги сирли вазият: «Моссад билан алоқалар»
Тҳе Нев Ёрк Тимес нашрида эълон қилинган суриштирув Эроннинг собиқ президенти Маҳмуд Аҳмадинажодга оид энг шов-шувли даъволардан бирини очиб берди. Нашрнинг маълум қилишича, Исроилнинг ташқи разведка хизмати — Моссад бир неча йил давомида Аҳмадинажод билан алоқалар ўрнатишга ҳаракат қилган ва уни Эрондаги сиёсий ўзгаришлардан кейин раҳбар сифатида кўрган. Ҳозирча бу даъволар мустақил равишда тасдиқланмаган, Аҳмадинажод эса уларни тўлиқ рад этган.
Нашрга кўра, 2024 йилда Венгриядаги Людовика Давлат хизмати университетида ўтказилган иқлим конференсияси аслида Аҳмадинажоднинг Исроил разведкаси вакиллари билан яширин мулоқот қилиш учун ташкил этилган. Университет ректори Гергей Делига юқори лавозимли ҳукумат амалдори ушбу тадбирни ташкил этиш бўйича мурожаат қилган. Ректорнинг сўзларига кўра, конференсия фақат расмий кўриниш учун ўтказилаётгани тушунтирилган.
Манбаларнинг иддао қилишича, Аҳмадинажод 2024 ва 2025-йилларда Будапештга икки марта ташриф буюрган ва бу сафарлар давомида Моссад вакиллари билан учрашган. Ҳатто ўша пайтда Моссад раҳбари бўлган Давид Барнеанинг шахсан Будапештга келгани ҳам қайд этилган.
Тҳе Нев Ёрк Тимес суриштирувига кўра, Исроил Эронда ҳокимият алмашиши юз берган тақдирда Аҳмадинажодни янги сиёсий етакчи сифатида илгари суриш режасини ишлаб чиққан.
Нашрнинг ёзишича, сўнгги йилларда Аҳмадинажодга турар жой ва хорижий сафарлари учун маблағ ажратилган, шунингдек, у хорижда бир неча марта махфий учрашувларда иштирок этган. Суриштирувда келтирилишича, 2026-йил феврал ойида АҚШ–Исроил ва Эрон ўртасидаги ҳарбий тўқнашувлар бошланган пайтда Аҳмадинажодни Теҳрондан олиб чиқиш бўйича махсус операция ҳам режалаштирилган. Бунинг учун унинг қароргоҳи яқинига берилган авиазарбадан кейин Моссад агентлари бошқараётган автомобилда хавфсиз жойга олиб кетилгани иддао қилинмоқда. Бироқ режа амалга ошмай қолган.
Суриштирувда Аҳмадинажоднинг президентликдан кетганидан кейинги сиёсий қиёфаси ҳам таҳлил қилинган. Нашр таъкидлашича, у аввалги кескин антиисроил баёнотларини деярли тўхтатган, ташқи кўринишини ўзгартирган, инглиз тилини ўрганган, халқ билан очиқ мулоқотларга кўпроқ эътибор қаратган ҳамда Эрондаги коррупсия ва хавфсизлик идоралари фаолиятини танқид қилган. Шу билан бирга, унинг мамлакат раҳбарлигига қайтиш истаги сақланиб қолган, атрофидагиларга Эрон келажагида муҳим сиёсий рол ўйнаши мумкинлигини айтгани ҳам келтирилади.
Нашр эълон қилинганидан сўнг, Маҳмуд Аҳмадинажоднинг матбуот хизмати расмий баёнот билан чиқиб, Тҳе Нев Ёрк Тимес келтирган барча маълумотларни «мутлақо ёлғон» деб атади. Унинг идораси Аҳмадинажоднинг уй қамоғида эканини, Моссад билан ҳамкорлик қилгани ёки Исроил томонидан қўллаб-қувватлангани ҳақидаги даъволар ҳақиқатга тўғри келмаслигини билдирди.
Шу тариқа, ҳозирча мазкур суриштирувда келтирилган иддаолар мустақил манбалар томонидан тасдиқланмаган. Бироқ материал Эрон, Исроил ва минтақадаги геосиёсий жараёнлар ҳақидаги баҳсларни янада куч