Эрон қайси давлат раҳбарларидан қасос олмоқчи экани очиқланди
Эрон олий раҳбари Али Хоманаийнинг ўлими учун олиниши кўзда тутилган “Қасос рўйхати”нинг бошида АҚШ президенти Доналд Трамп ва Исроил бош вазири Бинямин Нетаняҳу турибди. Эуроневс телеканали Эрон ҳукуматига яқин деб кўриладиган Ҳамшаҳри газетасига таяниб хабар беришича, рўйхатга Ғарб давлатларининг яна бир қатор етакчилари ва АҚШ мулозимлари...
Эрон қайси давлат раҳбарларидан қасос олиш ниятида эканлиги ма'лум бо'лди. Эроннинг олий раҳбари Али Хоманаийнинг ўлими учун тайёрланган "Қасос рўйхати"нинг энг юқори пог'онасида АҚШ президенти Доналд Трамп ва Исроил бош вазири Бинямин Нетаняҳу жойлашган.
Эуроневс телеканали Эрон ҳукуматига яқин бо'лган Ҳамшаҳри газетасига таяниб хабар беришича, рўйхатга Ғарб давлатларининг бошқа бир қатор етакчилари ва АҚШ мулозимлари ҳам киритилган.
Ўта консерватив йўналишдаги Ҳамшаҳри нашрига кўра, Эрон олий раҳбарининг ўлдирилиши учун Франсия президенти Эммануел Макрон, Германия канслери Фридрих Мерс, Италия бош вазири Жоржа Мелони, АҚШ давлат котиби Марко Рубио ва мудофаа вазири Пит Ҳегсет ҳам жавоб бериши лозим.
Нашр эълон қилган суратда Ғарб давлатлари етакчилари қамоқхона кийимида тасвирланган. Трамп ва Нетаняҳунинг пешонасида эса нишон чизилган.
Ҳамшаҳри чоп этган рўйхат Эрон расмий идоралари томонидан тасдиқланганми, бу аниқ эмас. Бироқ, жорий йил 11-июл куни мамлакатнинг амалдаги олий раҳбари Мужтабо Хоманаий отаси учун қасос олиниши ҳақида баёнот берган эди.
“Биз сизнинг қонингиз учун ва ушбу икки урушнинг барча шаҳидлари учун ўзларини шарманда қилган қотилларни жазолаш орқали қасос олишга қасам ичамиз. Қасос – халқимизнинг талаби ва у албатта амалга оширилиши керак”, – дейилади Мужтабо Хоманаий номидан тарқатилган ёзма баёнотда.
Олий раҳбар, шунингдек, нишонга олинадиган шахслар рўйхати тузилганини ҳам та'кидлаган.
“Ушбу рўйхатга киритилган жиноятчилар ўз уйи – ўлан тўшагида тинчгина омонатини топшириш орзусидан мосуво этилади”, – дейилади баёнотда.
Аввал хабар берганимиздек, Исроил АҚШ ҳукуматига Эрон томонидан президент Трампга қарши янги суиқасд режаси тайёрланаётгани ҳақида разведка маълумотларини тақдим этган. Манбаларга кўра, Исроилнинг огоҳлантириши ўтган ҳафтада Вашингтонга етказилган.
Ўз навбатида, президент Трамп Эрон ўзига қарши суиқасд амалга оширгудек бўлса, мамлакат яксон этилишидан огоҳлантирган.
Эрон расмийлари 2020-йилда Ислом инқилоби муҳофизлари корпуси генерали Қосим Сулаймоний АҚШ зарбасида ўлдирилгани учун Трампдан қасос олиш ҳақида бир неча бор баёнот бериб келган. Аммо таҳлилчилар Теҳрон ҳукумати томонидан АҚШ президентига суиқасд амалга оширилиши эҳтимоли паст эканини айтади. Чунки дунёдаги энг қаттиқ қўриқланадиган давлат раҳбарига суиқасд уюштириш ва унинг муваффақиятли чиқиши амримаҳолдир.
Исроилнинг суиқасд ҳақидаги сўнгги огоҳлантириши ҳам Вашингтонни Эронга қарши ҳарбий ҳаракатларни кучайтиришга ундаш мақсадида берилган бўлиши мумкин.
Эрон олий раҳбари Али Хоманаий жорий йил 28-феврал куни, АҚШ ва Исроил бошлаган кенг кўламли урушнинг илк лаҳзаларида ўлдирилган эди.
Финансиал Тимес газетасига кўра, Исроил разведкаси Хоманаийнинг ҳаракатларини аниқлаш учун Теҳрондаги йўл кузатув камераларига кириш имконига эга бўлган.
Али Хоманаий Эронни 1989-йилдан 2026-йилгача – қарийб 37 йил давомида бошқарди. Бу уни мамлакат тарихидаги энг узоқ ҳукмронлик қилган раҳбарлардан бирига айлантирди.
Жорий йил 8-март куни Эрон уламоларидан иборат экспертлар кенгаши Али Хоманаийн