“Барселона” эквадорлик 18 ёшли ярим ҳимоячини ўз сафига қўшиб олди

“Барселона” эквадорлик 18 ёшли ярим ҳимоячини ўз сафига қўшди

“Барселона” клуби Эквадорнинг “ЛДУ Кито” жамоаси ҳимоячиси Хосуе Кайседони кейинчалик сотиб олиш ҳуқуқи билан ижара асосида ўз сафига қўшганини расман эълон қилди.

18 ёшли футболчи каталонияликларнинг захира жамоаси — “Барса Атлетик” сафида тўп суради. Клуб матбуот хизматининг маълум қилишича, Кайседо ҳужумкор чап қанот ҳимоячиси бўлиб, у тезлиги, қанотдаги фаоллиги ва ҳужумларга самарали қўшилиши билан ажралиб туради. Шунингдек, эквадорлик футболчи универсал ҳисобланиб, нафақат ҳимояда, балки қанот вингери сифатида ҳам ҳаракат қила олади.

Клубда таъкидланишича, Хосуе Кайседонинг трансфери “Барса Атлетик”нинг ёш иқтидорларни жалб этиш стратегиясига тўлиқ мос келади. Каталонияликлар ҳимоячининг “Барселона” тизимида янада ривожланиши учун катта салоҳиятга эга эканига ишонмоқда.

Ўтган мавсумда Кайседо “ЛДУ Кито” асосий жамоаси сафида 20 та расмий учрашувда майдонга тушди. Шунингдек, у Либертадорес Кубогида дебют қилиб, Боливиянинг “Олвейс Реди” клубига қарши баҳсда иштирок этди.