Özbekistonda «bokiralik kapsulalari»ni taqiqlaş haqidagi xabarlar rad etildi
Oliy Majlis Qonunçilik palatasi «bokiralik kapsulalari» va bokiralikni tiklaş uçun jinoiy javobgarlik joriy etilişi haqidagi xabarlarni rad etdi.
O‘zbekistonda «bokiralik kapsulalari»ni taqiqlash haqidagi xabarlar rad etildi
Oliy Majlis Qonunchilik palatasi ijtimoiy tarmoqlarda tarqalayotgan «bokiralik kapsulalari» deb ataluvchi vositalarni sotish, yetkazib berish va buyurtma qilish, shuningdek, jarrohlik yo‘li bilan bokiralikni tiklash uchun jinoiy javobgarlik joriy etish rejalashtirilayotgani haqidagi xabarlarni rad etdi.
Tarqatilgan xabarlarda bunday holatlar bilan bog‘liq ajrimlar kuzatilayotgani fonida tegishli tashabbus parlamentda muhokama qilinayotgani ta’kidlangan.
Xabar mualliflari so‘nggi besh yil davomida go‘yoki 187 mingdan ortiq bokira bo‘lmagan qiz aniqlangani haqidagi statistik ma’lumotlarni ham keltirgan.
Bundan tashqari, bunday holatlar haqida huquqni muhofaza qiluvchi organlarga xabar bergan fuqarolarga davlat tomonidan pul mukofotlari berilishi mumkinligi haqidagi ma’lumotlar ham tarqatilgan.
Qonunchilik palatasida ushbu ma’lumotlar haqiqatga to‘g‘ri kelmasligi ma’lum qilindi.
Parlament quyi palatasi ma’lumotlariga ko‘ra, bunday qoidalarni nazarda tutuvchi qonun loyihasi mavjud emas. U parlament muhokamasiga kiritilmagan va ko‘rib chiqilmayapti.
Fuqarolarga tasdiqlanmagan ma’lumotlarni tarqatmaslik va xabarlarni rasmiy manbalar orqali tekshirish tavsiya etildi.