YPX chorrahalar va qayrilib olish joylari oldida chiziqni bosishni qayd etmaydi
1 noyabrdan Oʻzbekistonda YHXI inspektorlari chorrahagacha 50 m va qayrilib olishgacha 20 m masofada tutash chiziqni bosishni yoʻl harakati qoidalarini buzish sifatida qayd etmaydi. YHXX «Gazeta»ga bunday qarorning sababini tushuntirdi. Oʻtgan yili kameralar tomonidan chiziqni bosib oʻtishni (toʻxtash chizigʻidan tashqari) qayd etish bekor qilingan edi.
YPX chorrahalar va qayrilib olish joylari oldidagi chiziqni bosishni qayd etmaydi
1 noyabrdan boshlab Oʻzbekistonda YPX inspektorlari chorrahagacha 50 m yoki qayrilib olish joyigacha 20 m masofada 1.1 va 1.3 siposhnoy (yaxlit) chiziqlarini bosishni YHQ qoidabuzarligi deb hisoblamaydi. Bu haqda IIV JXD YHXX matbuot kotibi Zoyir Yuldashev hukumatning 29 oktyabrdagi qaroriga tayanib maʼlum qildi.
«Gazeta»ga bergan sharhida u oʻtgan yili Vazirlar Mahkamasining qarori bilan avtohalokatlarning oldini olish maqsadida foto va video qayd etishning avtomatilashtirilgan vositalari orqali stop-chiziqdan tashqari yoʻl chizigʻini bosishni qayd etish bekor qilinganini eslatdi. Shu bilan birga, YPX xodimlarida ushbu qoidabuzarlikni qayd etish huquqi saqlanib qolgan edi.
«Chorrahalar va qayrilib olish joylariga yaqinlashganda, haydovchilar turli sabablarga koʻra majburan 1.1 va 1.3 chiziqlarini kesib oʻtishiga toʻgʻri keladigan holatlar boʻladi, masalan, boʻlakda kimningdir mashinasi oʻchib qolgan boʻlsa. Endi inspektorlar chorrahalar va qayrilib olish joylari oldida bunday qoidabuzarliklarni qayd etmaydi. boshqa joylarda inspektorlar bu kabi qoidabuzarliklar boʻyicha bayonnoma tuzishda davom etadilar», — dedi u.
1.1 gorizontal chizigʻi (yaxlit oq chiziq) qarama-qarshi yoʻnalishdagi transport oqimlarini ajratadi va xavfli joylarda harakatlanish boʻlaklari chegaralarini hamda velosipedistlar uchun boʻlaklar chegaralarini belgilaydi; kirish taqiqlangan qatnov qismi chegaralarini belgilaydi; transport vositalarining toʻxtab turish joylari chegaralarini va avtomagistrallarga kiritilmagan yoʻllarning qatnov qismi chetini belgilaydi.
1.3 gorizontal chizigʻi (ikkita yaxlit oq chiziq) toʻrt va undan ortiq harakatlanish boʻlagi boʻlgan yoʻllarda qarama-qarshi yoʻnalishdagi transport oqimlarini ajratadi.
Taʼkidlash joizki, ushbu qaror bilan 1 noyabrdan boshlab xavfsizlik kamarini taqmaslik tadbirkorlar tomonidan oʻrnatilgan kameralar orqali ham qayd etilishi belgilangan.