Yevropalik vazirlar Lavrov bilan birga suratga tuşişdan boş tortdi
Atlantadagi G20 uçraşuvida yevropalik taşqi işlar vazirlari Rossiya TIV rahbari Sergey Lavrov bilan umumiy suratga tuşişni rad etdi. Germaniya taşqi işlar vaziri Yoxann Vadeful buni Ukrainadagi uruş davom etayotgani bilan izohladi.
Yevropalik vazirlar Lavrov bilan birga suratga tushishdan bosh tortdi. DW xabariga ko‘ra, Vadeful Rossiya bilan munosabatlar odatiy holatga qaytmaganini ta’kidlagan.
«Rossiya bilan normal munosabatlar yo‘q», - degan Germaniya tashqi ishlar vaziri.
Uning aytishicha, kelishmovchiliklarni muhokama qilish uchun Moskva bilan muloqot zarur. Biroq bunday aloqalar munosabatlar avvalgi holatiga qaytgandek taassurot uyg‘otmasligi kerak.
AFP ma’lumotiga ko‘ra, yevropalik vakillar Lavrov bilan birga suratga tushishga e’tiroz bildirganidan so‘ng an’anaviy umumiy fotosessiya bekor qilingan.
Vadeful Moskvani Kievning o‘t ochishni to‘xtatish taklifini qabul qilishga yana chaqirganini ham aytgan. Uning fikricha, dastlab Qora dengizda sulhga erishish zarur.
30-oktabrda bo‘lib o‘tgan uchrashuv AQSh raisligida o‘tmoqda. Lavrovni unda qatnashishga AQSh davlat kotibi Marko Rubio taklif qilgan.
Germaniya tashqi ishlar vaziri Eron atrofidagi ziddiyatlarni ham diplomatik yo‘l bilan hal etishni qo‘llab-quvvatlagan. U muammoni harbiy vositalar bilan yechib bo‘lmasligini aytib, Hormuz bo‘g‘ozida kemalar qatnoviga qo‘yilgan cheklovlarni tugatishga chaqirgan.