Yangi iPhone 18 Pro va Pro Max o‘tgan yilgi iPhone 17 Pro va Pro Max’dan nimasi bilan farq qiladi?

2 soat oldin

9-sentyabr kuni Apple taqdimot o‘tkazib, unda iPhone 18 Pro va Pro Max modellarini ko‘rsatdi — bazaviy iPhone 18 esa bahorga qoldirildi.

Odatdagidek, bir avloddagi Pro va Pro Max modellari orasidagi tafovutlar juda kam bo‘lib, asosan korpus, ekran va batareya o‘lchamlarida namoyon bo‘ladi. Shu sababli farq bo‘lmagan joylarda shunchaki 17 Pro va 18 Pro’ni solishtiramiz.

LTPO OLED, 6,3 dyuym, 2622 × 1206 piksel, 120 Gts

LTPO OLED, 6,9 dyuym, 2868 × 1320 piksel, 120 Gts

LTPO OLED, 6,3 dyuym, 2622 × 1206 piksel, 120 Gts

LTPO OLED, 6,9 dyuym, 2868 × 1320 piksel, 120 Gts

Apple A20 Pro

Apple A19 Pro

12 GB

256 GB / 512 GB / 1 TB / 2 TB

256 GB / 512 GB / 1 TB

256 GB / 512 GB / 1 TB / 2 TB

Asosiy — 48 MP + 48 MP + 48 MP; old kamera — 18 MP

4288 mA·soat, sim orqali 60 Vt quvvatlash, MagSafe — 25 Vt

5567 mA·soat, sim orqali 60 Vt quvvatlash, MagSafe — 25 Vt

4252 mA·soat, sim orqali 40 Vt quvvatlash, MagSafe — 25 Vt

5088 mA·soat, sim orqali 40 Vt quvvatlash, MagSafe — 25 Vt

150 × 71,9 × 8,8 mm

163,4 × 78 × 8,8 mm

150 × 71,9 × 8,8 mm

163,4 × 78 × 8,8 mm

211 g

249 g

206 g

233 g

Smartfonlarning ekran va o‘lchamlari millimetrigacha bir xil, shu bois iPhone 17 Pro g‘iloflari iPhone 18 Pro’ga ham mos keladi. Har ikki model korpusi yaxlit alyuminiydan ishlangan, orqa panelida shisha qoplama bor va uning ostida suyuqlik bilan sovitiladigan kamera joylashgan.

Korpusda bir xil harakat va kamerani boshqarish tugmalari mavjud; ikkala qurilmada ham quvvatlash uchun USB-C ko‘zda tutilgan. Bundan tashqari, 25 Vt quvvatga ega MagSafe simsiz quvvatlash va sun’iy yo‘ldosh orqali favqulodda aloqa rejimi ham bor.

Ikkala avlodda ham kameralar soni uchtadan: asosiy modul, keng burchakli obyektiv va 8 karralik optik zumga ega teleobyektiv. Ularning barchasi 48 megapikselli. Selfi-modul esa 18 megapiksel bo‘lib, kvadrat shakldagi sensor bilan jihozlangan. Bu bir holatda vertikal yoki gorizontal selfi olish imkonini beradi. Central Stage funksiyasi ham mavjud — u videoqo‘ng‘iroqlar vaqtida foydalanuvchi yoki kamera harakat qilsa ham, uni avtomatik tarzda kadr markazida ushlab turadi.

Simsiz aloqa standartlari ham bir xil: har ikkala gadjetda Wi-Fi 7, Bluetooth 6.0 va 5G bor.

Ochig‘ini aytganda, farq juda katta emas.

Yuqorida aytilganidek, yangi modelda tashqi ko‘rinish o‘zgarmagan: orqa panellar bir xil, vazni esa 5–16 grammga oshgan. Bu sovitish tizimi va batareyadagi o‘zgarishlar bilan bog‘liq.

Yangi modellarni faqat ranglariga qarab ajratish mumkin: 2025-yildagi modellar kumushrang, to‘q sariq va to‘q ko‘k tuslarda chiqarilgan bo‘lsa, 2026-yilga kelib ulardan faqat klassik kumushrang qoldi. Bundan tashqari, qora, havorang va qirmizi ranglar ham bor.

Yaxshilab qaralsa, kumush rangli iPhone 18 Pro va 17 Pro baribir bir-biridan farq qiladi. Yangi versiya unchalik kontrastli emas, chunki orqa shishasi metall rangga moslashtirilgan, o‘tgan yilgi modelda esa shisha panel oqroq va ko‘proq ajralib turardi.

Ekran yoqilganda esa yangi model baribir ajralib turadi: iPhone 18 Pro’da Face ID infraqizil datchigi ekran ostiga ko‘chirilgan, shu sababli nofaol holatdagi Dynamic Island orolchasi kichraygan. Zarurat tug‘ilganda, u avvalgidek kengayib, deyarli butun ekranni egallashi mumkin.

18 Pro iPhone uchun birinchi bo‘lgan, TSMC’ning 2 nanometrli texjarayonida ishlaydigan A20 Pro chipiga ega bo‘ldi (Apple bu texnologiyani avvalroq Mac mini’dagi M6 chipida sinovdan o‘tkazgan edi). Protsessor olti yadroli bo‘ldi, biroq kompaniya ma’lumotlariga ko‘ra, ancha tezlashgan: CPU samaradorligi taxminan 20 foizga, oltitadan yettitaga ko‘paygan GPU yadrolari hisobiga esa grafika samaradorligi 40 foizgacha oshgan. Sun’iy intellekt vazifalariga mo‘ljallangan Neural Engine neyron bloki ikki baravarga — 16 yadrodan 32 yadroga ko‘paydi.

Ammo bu yerda samaradorlikdan ham muhimrog‘i — joylashuvning yangicha tashkil etilishi va sovitish tizimining yaxshilanganidir. Bug‘lanish kamerasining maydoni qariyb uch baravarga kengaygan, xotira esa endi protsessor ustiga emas, uning yoniga alohida modul sifatida o‘rnatilgan. Bularning barchasi uzoq muddatli yuklama ostida trottlingsiz barqaror samaradorlikni sezilarli darajada oshirishi kerak. 17 Pro modelining sovitish tizimi ham xuddi shu tamoyil asosida qurilgan, lekin o‘lchami ancha kichikroq, qolaversa, tezkor xotiraning joylashuvi ham unchalik samarali emas.

Modem ham yangilangan: odatiy Qualcomm o‘rniga 18 Pro modeliga ilk bor Apple’ning shaxsiy C2 chipi o‘rnatildi. Tahlilchilar uchun kutilmaganda, u 5G ning mmWave diapazonini ham qo‘llab-quvvatlaydi.

Uchta kameradan faqat bittasi — asosiysi o‘zgardi. Ruxsati avvalgidek 48 MP darajasida qolgan, biroq ba’zi Xitoy foto-flagmanlarida ko‘rganimizdek, o‘zgaruvchan diafragma paydo bo‘ldi. Oltita parrakcha yorug‘lik kuchini f/1.48, f/1.8, f/2.8 va f/4.0 oralig‘ida mexanik ravishda o‘zgartiradi. 17 Pro modelida esa ayni shu modulning diafragmasi qat’iy — f/1.78. Amalda bu qo‘shimcha imkoniyatlar “Portret” rejimisiz ham fonni tabiiyroq xiralashtirishga hamda qorong‘i joylarda diafragmani avtomatik ochishga yordam beradi, ya’ni kadrga sun’iy intellekt va HDR ishlovisiz ko‘proq yorug‘lik qo‘shish mumkin bo‘ladi.

Qolgan ikkita modul bir xil, ammo dasturiy ta’minotda ham farqlar bor. iPhone 18 Pro standart “Kamera” ilovasida kengaytirilgan qo‘lda sozlash imkoniyatlarini qo‘llab-quvvatlaydi. Endi diafragmadan tashqari, kadr olinish vaqti (viderjka) va oq rang balansini ham boshqarish mumkin, real vaqtda ishlaydigan gistogramma paydo bo‘ldi. Boshqa dasturchilar esa o‘z kamera ilovalari uchun ayni shu parametrlardan foydalanish imkonini beruvchi API’ga ega bo‘lishdi.

Foydalanuvchilar uchun eng asosiy va sezilarli farq, shubhasiz, quvvat sarfida. iPhone 18 Pro qurilmadagi videolarni 36 soatgacha, strimingdagi videolarni esa 33 soatgacha ko‘rsatadi. iPhone 17 Pro’da bu ko‘rsatkichlar mos ravishda 33 va 30 soat edi, demak, o‘sish qariyb 10 foizni tashkil etadi. Pro Max modellarida farq yanada kattaroq: mos ravishda 39 soat o‘rniga 45 soat va 35 soat o‘rniga 40 soat.

Apple shuningdek, ilk bor “odatdagi foydalanish” metrikasini joriy qildi: tahlil qilingan ssenariylarga ko‘ra, yangi modellar mos ravishda 24 va 30 soat ishlashga yetadi. Hozircha buni boshqa biror narsa bilan taqqoslab bo‘lmaydi, chunki o‘tgan yili bunday baho berilmagan edi.

Bu o‘sishga kattaroq sig‘imli batareya, energiya tejamkor A20 Pro protsessori va yangi modem hisobiga erishilgan. Ammo oddiy SIM-kartali versiyalarning avtonom ishlash vaqti biroz qisqaroq bo‘ladi.

Quvvatlanish tezligi ham oshdi: 18 Pro 60 Vt gacha bo‘lgan quvvatlash bloklarini qo‘llab-quvvatlagani tufayli 50% quvvatga taxminan 15 daqiqada to‘ladi. 17 Pro esa xuddi shu 50% uchun 40 Vt quvvatlagich bilan 20 daqiqa sarflar edi. Har ikki avlodda ham MagSafe va Qi2 orqali simsiz quvvatlantirish 25 Vt bilan cheklangan.

Ichki xotira hajmi bo‘yicha deyarli farq yo‘q: har bir model 256 GB, 512 GB va 1 TB hajmli variantlarda taqdim etilgan. Biroq eng katta, ya’ni 2 TB hajmli variant kichik iPhone 17 Pro uchun chiqarilmagan — u faqat 17 Pro Max hamda 18 Pro’ning har ikki o‘lchami uchun mavjud.

Ikkala iPhone 18 Pro’ning rasmiy boshlang‘ich narxi 100 dollarga oshdi: kichik modelning 256 GB xotirali varianti 1 199 dollardan, Pro Max’ning xuddi shu hajmdagi varianti esa 1 299 dollardan boshlanadi. Oldingi avlod esa an’anaga ko‘ra sotuvdan olindi.

Tahlilchilarning ma’lumotlariga ko‘ra, bu narx o‘sishi oshib ketgan tannarx va tezkor xotira narxini qoplamaydi, biroq Apple chakana narx o‘sishini imkon qadar kamaytirish uchun foydaning bir qismidan voz kechgan.

Bu an’anaviy oraliq yangilanish bo‘ldi. Bir tomondan, batareyasi va quvvatlashini hisobga olib, kelgusi besh yil uchun telefon tanlayotganda 18 Pro modelini olish ma’qul. Boshqa tomondan, agar sizda iPhone 17 Pro bo‘lsa, uni yangilashdan hech qanday ma’no yo‘q. Yaxshi poverbank sotib olib, bir-ikki yildan keyin akkumulyatorini almashtirgan ma’qul. O‘zgaruvchan diafragma esa deyarli barchasida alohida kamerasi bo‘lgan sanoqli kishilargagina kerak bo‘ladi, suratga olishning qo‘lda sozlash funksiyasi esa boshqa ilovalarda ham mavjud.

Biroq hozircha zarur bo‘lmasa, yana bir yil kutganingiz ma’qul. Mish-mishlarga ko‘ra, Apple ajoyib bir yangilik tayyorlamoqda: yubiley munosabati bilan 20-iPhone modeli iPhone X davridan beri jiddiy redizaynga ega bo‘lishi mumkin. “Pro”larning bu galgi o‘tkinchi yangilanishi esa bor kuch 2027-yil modeliga tashlanganini tasdiqlayotgan bo‘lishi ham ehtimoldan xoli emas. Hozircha esa bizga shunchaki model qatoridagi vaqtinchalik bo‘shliqni to‘ldirish uchun biroz yaxshiroq va sal qimmatroq telefonlar taqdim etildi.

apple battery life pricing iphone 17 pro iphone 18 pro a20 pro chip smartphone comparison camera upgrades