Xitoylik olimlar ilk bor 10 metr chuqurlikda quyosh panellarini sinovdan oʻtkazishdi
Xitoylik olimlar ilk bor ochiq dengizda 10 metr chuqurlikda quyosh elementlarini sinovdan oʻtkazishdi. Tajriba shuni koʻrsatdiki, tizim hatto suv ostida ham elektr energiyasi ishlab chiqarishi mumkin. Tadqiqot Yunnan universiteti mutaxassislari tomonidan oʻtkazildi. Uning natijalari Joule ilmiy jurnalida chop etildi. Olimlar perovskitli quyosh elementlaridan foydalanishdi. Ular suvga eng yaxshi kirib boradigan koʻk-yashil nurga moʻljallangan. Laboratoriyada qayta ishlash samaradorligi […]
Xitoylik olimlar ilk bor 10 metr chuqurlikda quyosh panellarini sinovdan oʻtkazishdi
Xitoylik olimlar ilk bor ochiq dengizda 10 metr chuqurlikda quyosh elementlarini sinab koʻrishdi. Tajriba tizimning hatto suv ostida ham elektr energiyasi ishlab chiqarishga qodirligini koʻrsatdi.
Tadqiqot Yunnan universiteti mutaxassislari tomonidan amalga oshirildi. Uning natijalari Joule ilmiy jurnalida chop etildi.
Ishda olimlar perovskitli quyosh elementlaridan foydalanishdi. Ular suvdan eng yaxshi oʻtadigan koʻk-yashil nurga moʻljallangan. Laboratoriya sharoitida energiyani qayta ishlash samaradorligi deyarli 35% ga yetdi.
Shundan soʻng, tizim Janubiy Xitoy dengizidagi Veychjou oroli yaqinida sinovdan oʻtkazildi. Quyosh elementlari 2, 6 va 10 metr chuqurlikka oʻrnatildi.
Tizim eng koʻp energiyani 2 metr chuqurlikda ishlab chiqardi — 1416 millivatt-soat. 6 metr chuqurlikda bu koʻrsatkich 752 millivatt-soatni, 10 metr chuqurlikda esa 324 millivatt-soatni tashkil etdi.
Barcha holatlarda olingan energiya akkumulyatorlarni quvvatlash va svetodiodli lavhani yoqish uchun yetarli boʻldi.
Olimlarning fikriga koʻra, kelajakda bunday texnologiyadan suv osti aloqa tizimlari, kameralar, datchiklar va boshqa avtonom qurilmalarni energiya bilan taʼminlashda foydalanish mumkin boʻladi.