Venesuela sobiq prezidenti Nikolas Maduroga shu haftada yangi ayblovlar qoʻyilishi kutilmoqda
AQSh OAVlarining xabar berishicha, yangi ayblovlarda Maduro va uning rafiqasi Venesuela qamoqxonalarida amerikaliklarni qiynoqqa solishda ishtirok etganlikda ayblanishi kutilmoqda.
Venesuela sobiq prezidenti Nikolas Maduroga shu haftada yangi ayblovlar qoʻyilishi kutilmoqda
Federal prokurorlar Venesuela sobiq prezidenti Nikolas Maduro va uning rafiqasi Siliya Floresga nisbatan qoʻshimcha ayblovlar eʼlon qilishi kutilmoqda, deb xabar berdi BBC’ning AQShdagi media hamkori CBS.
CBS xabariga koʻra, yangi ayblovlarda ular Venesuela qamoqxonalarida saqlangan amerikaliklarni qiynoqqa solishda ishtirok etganlikda ayblanmoqda.
AQSh kuchlari 3 yanvar kuni tunda amalga oshirilgan dramatik reyd davomida Maduro va Floresni Venesuela poytaxti Karakasdagi qarorgohidan qoʻlga olib, qurol-yarogʻ va giyohvand moddalar bilan bogʻliq jinoyatlarda ayblash uchun Nyu-Yorkka olib kelgan edi. Ular bu ayblovlarni inkor etmoqda.
BBC izoh olish uchun Maduroning advokati, shuningdek, ayblovlarni ilgari surgan Manxettendagi AQSh prokuraturasi bilan bogʻlandi.
CBS xabariga koʻra, Maduro davrida Venesuela hukumati tomonidan noqonuniy ravishda hibsga olingan oʻndan ortiq amerikaliklarni qiynoqqa solishdagi roli uchun boshqa shaxslarga ham ayblov qoʻyilishi mumkin.