Vaşington «Putinning qora kassasi» deb atagan fonddan sanksiyalarni olişi mumkin - NYT
Donald Tramp maʼmuriyati Kirill Dmitriev rahbarlik qiladigan Rossiya töğridan töğri investitsiyalar fondiga qöyilgan sanksiyalarni bekor qiliş imkoniyatini körib çiqmoqda. The New York Times manbalariga köra, Moskva fondning Rossiya dizelini AQŞga yetkazib berişda iştirok etişi uçun çeklovlarni olib taşlaşni talab qilmoqda.
Vaşington «Putinning qora kassasi» deb atalgan fondga nisbatan joriy etilgan sanksiyalarni bekor qilishi mumkin — NYT
Nashr suhbatdoshlaridan biriga ko‘ra, bu jarayonda fondga cheklovlar qo‘yilishiga asos bo‘lgan sabablar o‘z kuchini yo‘qotganini isbotlash talab etiladi. Hozircha sanksiyalarni bekor qilish bo‘yicha yakuniy qaror qabul qilingani haqida ma’lumot yo‘q.
Gazeta bu muhokamani Kremlning Ukrainadagi urushga oid diplomatik jarayonlardan iqtisodiy manfaatlarini ilgari surish uchun foydalanishga urinişi sifatida baholagan.
Rossiya to‘g‘ridan to‘g‘ri investitsiyalar fondi 2011-yilda mamlakatga xorijiy sarmoyalarni jalb qilish maqsadida tashkil etilgan. Uning loyihalaridan biri COVID-19ga qarshi «Sputnik V» vaksinasi bo‘lgan.
Fond rahbari Kirill Dmitriev Rossiya–AQSh muzokaralarining muhim ishtirokchilaridan hisoblanadi. U ikki mamlakat o‘rtasida ehtimoliy qo‘shma biznes loyihalarini ilgari surib, Tramp ma’muriyati vakillari bilan bir necha bor uchrashgan.
Jo Bayden ma’muriyati Rossiya Ukrainaga keng ko‘lamli hujum boshlaganidan to‘rt kun o‘tib fondga sanksiyalar joriy qilgan. O‘shanda AQSh Moliya vazirligi uni rasman suveren investitsiya fondi bo‘lsa-da, ko‘pchilik Vladimir Putinning «qora kassasi» deb hisoblashini bildirgan edi.
Donald Tramp 9-oktabrda Vladimir Putin bilan muzokaralardan so‘ng Rossiya dizelini AQSh va jahon bozoriga yetkazib berish bo‘yicha kelishuvga erishilganini e’lon qilgan.
Uning bayonotiga ko‘ra, Rossiya: zudlik bilan 300 ming tonnadan ortiq; noyabr davomida yana 500 ming tonna; shundan so‘ng 1 million tonna dizel yetkazib berishi kerak.
Tramp Rossiya neftni qayta ishlash zavodlarining holatiga qarab, keyinchalik qisqa muddatda qo‘shimcha 3 million tonna yoqilg‘i yetkazib berilishi ham mumkinligini aytgan. U bu ta’minot dizel narxlarini pasaytirishini bildirgan.