UZCARD Toshkent hayvonot bogʻida bolalar uchun bepul chiptalar va maxsus dastur bilan oilaviy dam olish oyini boshlaydi
Bu kuzda UZCARD oilaviy dam olish kunlarini nafaqat maroqli, balki foydali oʻtkazishni taklif etadi: bir oy davomida oilalar Toshkent hayvonot bogʻiga tashrif buyurishda maxsus shartlardan foydalanishlari mumkin, bolalarni esa oʻyin va taʼlimga yoʻnaltirilgan turli faoliyatlar kutadi.
UZCARD Toshkent hayvonot bogʻida bolalar uchun bepul kirish chiptalari va maxsus dastur bilan oilaviy dam olish oyini yoʻlga qoʻyadi
1-oktabrdan 1-noyabrgacha UZCARD Toshkent hayvonot bogʻi bilan hamkorlikda oilaviy dam olish oyini tashkil etadi. Shu muddat davomida UZCARD KIDS kartalari egalari uchun hayvonot bogʻiga tashrif buyurishda alohida shartlar amal qiladi, dam olish kunlari esa bolalar uchun mahorat darslari, koʻngilochar tadbirlar va mini-kvestlar oʻtkaziladi.
7 yoshdan 14 yoshgacha boʻlgan bolalar kartasini rasmiylashtirish imkonini beruvchi banklardan biri tomonidan chiqarilgan UZCARD KIDS kartasi bilan chipta toʻlanganda hayvonot bogʻiga bepul kirishlari mumkin. Bolalar chiptasi boshqa istalgan UZCARD kartasi bilan toʻlanganda 40 foiz chegirma beriladi. Bitta karta orqali kuniga chegirma bilan ikkitagacha bolalar chiptasini olish mumkin.
Har dam olish kuni hayvonot bogʻida UZCARD KIDS kartalarining yosh egalari uchun maxsus dastur tashkil etiladi. Dastur doirasida turli mahorat darslari, akvagrim, filni bepul boqish va boshqa faoliyatlar boʻlib oʻtadi. Bolalar kartalari egalari Dino-parkka tashrifda ham 15 foiz chegirmadan foydalanishlari mumkin.
UZCARD tomonidan tayyorlangan hayvonot bogʻi hududidagi mini-kvest aksiyaning asosiy faoliyatlaridan biri boʻladi. Unda barcha xohlovchilar qatnashishi mumkin. Ishtirokchilar topshiriqlarni bajarib, belgilangan yoʻnalish boʻylab harakatlanadilar va har bir bosqich uchun maxsus belgi toʻplaydilar. Barcha topshiriqlarni muvaffaqiyatli bajargan ishtirokchilarni sovgʻalar kutadi.
Aksiya davomida har dam olish kuni ANORBANK hayvonot bogʻi hududining oʻzida UZCARD KIDS kartalarini bepul rasmiylashtirib beradi. Bank vakillari ota-onalarga kartani rasmiylashtirish shartlari va uning imkoniyatlari haqida batafsil maʼlumot beradilar.
UZCARD KIDS bolalarga ilk mustaqil xaridlarini amalga oshirish imkonini beradi, ota-onalarga esa farzandining xarajatlarini nazorat qilishga yordam beradi. UZCARD, Toshkent hayvonot bogʻi va ANORBANK hamkorligidagi ushbu aksiya bolalarning moliyaviy mustaqillik sari dastlabki qadamlarini kundalik hayotning, jumladan, oilaviy dam olishning tabiiy qismiga aylantirishga yordam beradi.