Uzbekiston aeroportlari va vokzallarida bagajni bepul saqlash hamda Wi-Fi joriy etish taklif qilindi
Oʻzbekistonning xalqaro aeroportlarida, yirik temir yoʻl va avtovokzallarida bagajni 24 soatgacha bepul saqlashni joriy etish va yoʻlovchilarni kamida bir soat bepul Wi-Fi bilan taʼminlash taklif qilindi. Shuningdek, rasmiy taksi buyurtma qilish uchun elektron terminallar oʻrnatish rejalashtirilmoqda. Ushbu chora-tadbirlar jamoatchilik muhokamasiga qoʻyilgan qaror loyihasida nazarda tutilgan. Hujjatga koʻra, yangi xizmatlarni 2027 yil 1 iyuldan boshlab bosqichma-bosqich joriy etish rejalashtirilmoqda […]
Oʻzbekiston aeroportlari va vokzallarida bagajni bepul saqlash va Wi-Fi joriy etish taklif qilindi
Oʻzbekistonning xalqaro aeroportlarida, shuningdek, yirik temir yoʻl va avtovokzallarida bagajni 24 soatgacha bepul saqlashni tashkil etish hamda yoʻlovchilarga kamida bir soatlik bepul Wi-Fi taqdim etish taklif qilindi. Bundan tashqari, rasmiy taksi buyurtma qilish uchun elektron terminallar oʻrnatish rejalashtirilmoqda. Ushbu chora-tadbirlar jamoatchilik muhokamasiga qoʻyilgan qaror loyihasida koʻzda tutilgan.
Hujjatga koʻra, yangi xizmatlarni 2027 yil 1 iyuldan boshlab bosqichma-bosqich joriy etish nazarda tutilgan. Bagajni bepul saqlash xizmatidan chipta egalari ham joʻnab ketishdan oldin, ham yetib kelgandan keyin foydalanishlari mumkin boʻladi.
Elektron terminallar yoʻlovchilarga boradigan manzilini koʻrsatish, yoʻl haqini bilish va rasmiy taksiga buyurtma berish imkonini beradi. Buyurtmani rasmiylashtirish uchun SIM-karta yoki mobil internet talab qilinmaydi. Rasmiylashtirilgandan soʻng yoʻlovchiga QR-kodli che beriladi.
Loyihada qayd etilishicha, yirik transport obʼyektlarida hozirgacha barqaror Wi-Fi yetishmayapti. shuningdek, yoʻlovchilar uchun bagajni bepul saqlashning yagona tartibi va QR-chek beriladigan terminallar orqali rasmiy taksi buyurtma qilish tizimi mavjud emas.
Taklif etilayotgan chora-tadbirlar mamlakat aeroportlari va vokzallarida yoʻlovchilarga xizmat koʻrsatish sifatini oshirishga qaratilgan.