Universitetlar super-kontrakt miqdorlarini eʼlon qilmoqda
Oʻzbekistondagi davlat oliy taʼlim muassasalari qabul chegarasidan 4,05 balldan ortiq ball yetmagan abituriyentlar uchun super-kontrakt miqdorlarini eʼlon qilmoqda.
Universitetlar super-kontrakt miqdorlarini ma’lum qilmoqda. Xususan, Toshkent davlat yuridik universitetida bakalavriatning yurisprudensiya va yana uchta yo‘nalishida kunduzgi ta’lim shakli uchun super-kontrakt 269 960 400 so‘m etib belgilandi.
Termiz davlat universitetida super-kontrakt miqdorlari yo‘nalishga qarab 29,6 mln so‘mdan boshlanadi. Yurisprudensiya, xalqaro munosabatlar hamda davlat va jamiyat boshqaruvi yo‘nalishlari uchun eng yuqori miqdor 90 mln so‘m qilib belgilangan.
Namangan davlat universiteti yo‘nalishga qarab 22,9 mln so‘mdan 31,9 mln so‘mgacha bo‘lgan narxlarni belgiladi.
Toshkent kimyo-texnologiya instituti Yangiyer filialida super-kontrakt 22,2 mln so‘mdan boshlanib, 48,1 mln so‘mgacha boradi.
Talabgorlar oliygohlarning rasmiy sayti, ijtimoiy tarmoqlardagi rasmiy sahifalari yoki telefon raqami orqali aniqlik kiritishi mumkin.
Super-kontrakt asosida o‘qish uchun arizalar qabul hali boshlanmadi. Jarayon boshlangach, ariza onlayn tarzda qabul qilinadi.
Davlat oliygohlariga o‘qishga kirganlar (shu jumladan, keyinroq ochilgan 6-yo‘nalishga ham) bazaviy to‘lov-kontrakt asosida tahsil oladi. Bazaviy kontrakt miqdorlari oxirgi marta 2025-yil sentabrda e’lon qilingan.
Joriy o‘quv yilida bu narxlar o‘zgarishi yoki o‘zgarishsiz qolishi ma’lum emas.