Ukraina dronlari Rossiyaga eng uzoq masofali zarbani berdi
Ukrainadan 2800 kilometr uzoqlikdagi Noviy Urengoy shahri hujumga uchradi.
Ukraina dronlari Rossiyaga eng uzoq masofali zarba berdi
Ukraina dronlari ilk bor Rossiyaning Yamal-Nenets avtonom okrugiga hujum qilgani haqida gubernator Dmitriy Artyuxov maʼlum qildi.
Noviy Urengoyda dron boʻlaklari tushishi natijasida sanoat obyektida yongʻin yuzaga keldi.
Halok boʻlganlar ham, jarohatlanganlar ham yoʻq.
Uraldagi prezident vakili Artyom Joga bergan maʼlumotga koʻra, Ukraina droni Yamal yoqilgʻi-energetika majmuasidagi obyektga zarba berishga uringan.
Noviy Urengoy Ukraina chegarasidan taxminan 2800 kilometr uzoqlikda joylashgan. Bu Ukraina Qurolli Kuchlari tomonidan Rossiyaga berilgan eng uzoq masofali zarba ekanini anglatadi.
«Agentstvo» nashri yozishicha, Ukraina dronlari Rossiya gaz qazib olishining 80 foizi toʻgʻri keladigan hududga birinchi marta yetib borgan.