Turkiyaning Antalya shahrida smerch ishchilar boʻlgan konteynerlarni vayron qildi. Video

Turkiyaning Antalya shahrida quyun ishchilar konteynerlarini vayron qildi. Video

Turkiyaning Antalya shahrida quyun qurilish maydonchasidagi ikkita yashash konteynerini vayron qildi, oqibatda toʻrt nafar ishchi halok boʻldi, yana bir kishi jarohat oldi. Favqulodda hodisa Kepez tumanida yuz berdi.

Anadolu xabariga koʻra, quyun meteorologiya xizmatining kuchli yomgʻirlar haqidagi ogohlantirishi fonida Fevzi Chakmak mahallasida hosil boʻlgan. Oppoq quyun besh nafar ishchi boʻlgan konteynerlarga zarar yetkazib, ularni chetga uloqtirib tashlagan.

Jabrlanganlardan ikki kishi voqea joyida, yana ikki kishi shifoxonaga olib borilganidan keyin vafot etgan. Omon qolgan ishchining ahvoli qoniqarli deb baholanmoqda. Boshqa maʼlumotlarga koʻra, besh nafar ishchi halok boʻlgan.

Antalya gubernatori Hulusi Shahinning soʻzlariga koʻra, oʻsha qurilish maydonchasida kran ham agʻdarilgan, ammo hech kim jarohat olmagan. Gubernator ishchilarning oʻlimi va jarohat olishi kranning qulashi bilan emas, aynan konteynerlarning vayron boʻlishi bilan bogʻliqligini taʼkidladi.

Voqea joyida hali ham favqulodda xizmatlar ishlamoqda, ular hududni boshqa jabrlanganlar bor-yo'qligini tekshirishmoqda.