Toshkentning Amir Temur va Yangi Sergeli koʻchalarida BRT tarmogʻini qurish boshlandi
Toshkentda BRT turidagi yana ikkita avtobus yoʻnalishi uchastkasining qurilishi boshlandi. Birinchi bosqich Amir Temur shohkoʻchasining 1,4 km va Yangi Sergeli koʻchasining shuncha qismini qamrab oladi. Xaydovchilar harakatlanishda yuzaga kelishi mumkin boʻlgan noqulayliklarni hisobga olishga chaqirildi. Loyiha yakunlangach, Sergelidan Yunusobodgacha yagona yoʻnalish paydo boʻladi.
Toshkentda BRT formatidagi ajratilgan avtobus yoʻlagining yana ikkita uchastkasi — Amir Temur shohkoʻchasi va Yangi Sergeli koʻchasida qurilish boshlandi.
Ishlar yoʻlning markaziy qismida olib borilmoqda, shu bilan birga ikkala yoʻnalishda ham harakatlanish qolgan boʻlaklar boʻylab saqlanib qolmoqda.
Yoʻl harakatini tashkil etish markazi haydovchilarni yoʻllarda yuzaga kelishi mumkin boʻlgan noqulayliklarni hisobga olishga va imkon qadar boshqa yoʻnalishlarni tanlashga chaqirdi.
Birinchi bosqich Amir Temur shohkoʻchasining 1,4 km qismini — Ahmad Donish koʻchasi bilan kesishgan joydan Shahriston koʻchasigacha — hamda Yangi Sergeli koʻchasining 1,4 km qismini — Choshtepa koʻchasi bilan chorrahadan SOUEAST servis markazigacha boʻlgan hududni qamrab oladi.
Hozirda Shahrisabz koʻchasida BRT yoʻlagi qurilishi davom etmoqda. Barcha uchastkalar birlashtirilgach, ushbu koʻchalarda Yangi Sergeli — Shota Rustaveli — Shahrisabz — Amir Temur yoʻnalishi boʻylab yagona yoʻlak paydo boʻladi.
Avvalroq poytaxt hokimligi BRT tizimi bilan Muqimiy, Qoratash va Koʻkcha Darvoza, Parkent koʻchalari hamda Mirzo Ulugʻbek shohkoʻchasini ham qamrab olish rejalashtirilganini maʼlum qilgan edi.