Toshkentda yangi Hayotlab tibbiy laboratoriyalar tarmog‘i ish boshladi
Toshkentda asoschilaridan biri Diyora Usmonova bo‘lgan Hayotlab tibbiy laboratoriyalarining yangi tarmog‘i ochildi. Loyiha 10 ta tibbiy ofis va bosh laboratoriyani birlashtirib, tadqiqotlarni avtomatlashtirish va sifatni nazorat qilishga e’tibor qaratadi.
Toshkentda yangi Hayotlab tibbiy laboratoriyalar tarmog‘i faoliyat boshladi.
Loyiha ishining asosini tadqiqotlarni avtomatlashtirish, har bir bosqichda sifatni nazorat qilish hamda tahlil natijalarini shaxsiy kabinetda kuzatib borish imkoniyati tashkil etadi.
Loyiha hammuassislaridan biri Diyora Usmonova bo‘ldi. Uning aytishicha, Hayotlabni yo‘lga qo‘yishga turtki bergan asosiy omillardan biri shaxsiy ehtiyoj edi. U O‘zbekistonda o‘zi va farzandlari uchun tahlil topshirishda ishonishi mumkin bo‘lgan laboratoriya bo‘lishini anchadan beri istab kelgan.
Hayotlab ochilishi haqida so‘z yuritar ekan, Usmonova O‘zbekistonda o‘zi foydalanishga va farzandlarining tahlillarini ishonib topshirishga tayyor bo‘lgan zamonaviy laboratoriya yetishmaganini ta’kidladi.
Diyora Usmonova, Hayotlab hammuassisi:
“G‘oyamiz haqiqatga aylandi. Roche va Mindray kompaniyalarining to‘liq avtomatlashtirilgan uskunalari bilan jihozlangan zamonaviy laboratoriyani tashkil etdik. Bu yerda inson omili bilan bog‘liq xatolar imkon qadar kamaytirilgan. Mutaxassislarning 80 foizi — Rossiya, Belarus va boshqa davlatlardan jalb qilingan yuqori malakali xorijiy mutaxassislar”.
Tahlil natijalari varaqasi foydalanuvchiga tushunarli bo‘lishi uchun qulay shaklda tayyorlangan. Unda har bir ko‘rsatkich me’yoriy oraliqda ekanini yoki me’yordan yuqori yoxud pastligini oson ko‘rish mumkin.
Natijalar shaxsiy kabinetda saqlanadi. Bu avvalgi tahlillarni qayta ko‘rish va ko‘rsatkichlar vaqt o‘tishi bilan qanday o‘zgarganini kuzatish imkonini beradi.
Hayotlab’da tahlil natijasi qanday olinganini tekshirish imkoniyatiga ham alohida e’tibor qaratiladi.
Laboratoriyada har kuni har bir tekshiruv bo‘yicha sifat nazorati o‘tkaziladi, probirkaning harakatlanish jarayoni kuzatib boriladi, aniqlangan og‘ishlar esa qo‘shimcha tekshiruvdan o‘tkaziladi.
Zarur bo‘lsa, foydalanuvchi o‘z tahlili o‘tkazilgan kundagi sifat nazorati ma’lumotlarini so‘rab olishi mumkin.
Faoliyatining dastlabki bosqichida Hayotlab tarmog‘i Toshkentdagi 10 ta tibbiy ofis va 1 ta laboratoriyani birlashtiradi.
Bosh laboratoriya Farobiy ko‘chasida joylashgan. Tahlil topshirish punktlari esa Mirzo Ulug‘bek, Sergeli, Chilonzor va shaharning boshqa tumanlarida faoliyat yuritmoqda.