Toshkentda o‘quvchi giyohvand moddadan zaharlanib vafot etdimi? IIBB tafsiloti

Toshkentda o‘quvchi giyohvand moddadan zaharlanib vafot etdimi? IIBB tafsiloti

Toshkentda o‘quvchi giyohvand moddadan zaharlanib vafot etgani haqidagi xabar rad etildi.

So‘nggi kunlarda ijtimoiy tarmoqlardagi ayrim guruhlarda 4-sinf o‘quvchisi giyohvandlik moddasidan zaharlangani oqibatida vafot etgani haqida xabarlar tarqalgan edi.

Mazkur xabar bo‘yicha Toshkent shahar IIBB o‘tkazgan tekshiruvlar davomida poytaxtda maktab o‘quvchilari orasida bunday holatlar qayd etilmagani aniqlandi.

«Bu xabar feyk bo‘lib, asossiz ravishda vohimaga berilmaslikni so‘rab qolamiz. Fuqarolardan va jamoatchilik vakillaridan tekshirilmagan ma’lumotlarni tarqatmasliklarini so‘raymiz. Unutmang, yolg‘on axborot tarqatish javobgarlikka sabab bo‘ladi», deyiladi IIBB bayonotida.