Toshkentda L9 urib yuborgan 39 yoshli piyoda halok bo‘ldi
Yashnobod tumanida Lixiang L9 avtomobili belgilanmagan joydan o‘tayotgan 39 yoshli piyodani urib yubordi. Olingan jarohatlar oqibatida piyoda voqea joyida vafot etdi.
Toshkentda L9 urib yuborgan 39 yoshli piyoda vafot etdi
Toshkent shahri Yashnobod tumanida yuz bergan yo‘l-transport hodisasi oqibatida piyoda halok bo‘ldi, deya xabar bermoqda poytaxt YHXB.
Voqea 3-noyabr kuni soat 17:45 lar atrofida TXAY ko‘chasidagi “Qo‘yliq” qurilish bozori ro‘parasida sodir bo‘lgan. 22 yoshli Y.M. boshqaruvidagi Lixiang L9 avtomobili yo‘lning belgilanmagan qismidan o‘tayotgan piyodani urib yuborgan.
Natijada 39 yoshli fuqaro olgan tan jarohatlari sabab hodisa joyida hayotdan ko‘z yumgan.
Ayni paytda ushbu holat bo‘yicha YHXB mas’ul xodimlari tomonidan surishtiruv ishlari olib borilmoqda.