Toshkentda Future Intelligence Forum 2026 boʻlib oʻtdi - sunʼiy intellekt davrida raqamli iqtisodiyot, texnologiyalar va boshqaruv
2026-yil 23-sentabr kuni ICT Week Uzbekistan 2026 doirasida Future Intelligence Forum 2026 boʻlib oʻtdi. Forum davlat organlari, xalqaro va mintaqaviy tashkilotlar, texnologik kompaniyalar, biznes, moliya sektori, akademik hamjamiyat hamda sunʼiy intellekt sohasidagi ekspertlarni birlashtirdi.
Toshkentda Future Intelligence Forum 2026 bo‘lib o‘tdi — sun’iy intellekt davrida raqamli iqtisodiyot, texnologiyalar va boshqaruv
Tadbirni O‘zbekiston Respublikasi Raqamli texnologiyalar vaziri o‘rinbosari Jamol Mahsudov ochib berdi. U davlat rahbarining alohida e’tibori tufayli raqamli texnologiyalarni rivojlantirish davlat boshqaruvining barcha darajalarida ustuvor yo‘nalishlardan biri ekanini ta’kidladi.
“Iqtisodiyotni rivojlantirish va aholi turmush sifatini yaxshilash uchun raqamli texnologiyalardan foydalanishga alohida e’tibor qaratilmoqda. Sun’iy intellekt tibbiyot, ta’lim, sanoat va boshqa ko‘plab sohalardagi vazifalarni bajarishga yordam bermoqda. Xalqaro hamkorlik ham katta ahamiyatga ega. O‘zbekistonning Sun’iy intellekt sohasida hamkorlik bo‘yicha Butunjahon tashkilotiga a’zo bo‘lishi mamlakatimiz uchun muhim qadam bo‘ldi. Ishonchim komilki, ushbu uchrashuv ham hamkorlikni yanada mustahkamlashga va mamlakatimiz uchun foydali loyihalarni amalga oshirishga xizmat qiladi”,
- dedi Jamol Mahsudov.
Forumning asosiy mavzusi sun’iy intellekt davrida raqamli iqtisodiyot, texnologiyalar va davlat boshqaruvi bo‘ldi. Muhokamaning asosiy masalasi sun’iy intellekt, raqamli infratuzilma va ma’lumotlar imkoniyatlarini O‘zbekiston uchun davlat xizmatlarini yaxshilash, biznesni rivojlantirish va odamlar uchun yangi imkoniyatlar ochishga qodir bo‘lgan amaliy yechimlarga qanday aylantirish masalasi bo‘ldi.
Ikki soatlik dastur strategik ma’ruzalar, xalqaro tajriba, milliy tashabbuslar, mahalliy ishlanmalar namoyishlari va panel muhokamasini birlashtirdi.