Toshkentda chang sabab ko‘chalarga suv sepilmoqda
Shu bilan birga, favvoralar va sug‘orish tizimlari ham ishga tushirilmoqda.
Toshkentda chang sabab ko‘chalarga suv sepilmoqda
Toshkent ko‘chalarida qariyb 100 ta maxsus texnika yordamida suv purkash ishlari olib borilmoqda. Bu haqda poytaxt hokimligi ma’lum qildi.
Yo‘l qoplamasini muntazam namlab borish changning bosilishiga hamda uning havoga ko‘tarilishini kamaytirishga yordam beradi.
Shu bilan birga, favvoralar va sug‘orish tizimlari ham ishga tushirilmoqda. Bu nafaqat ko‘chalardagi namlikni oshirish, balki shahar muhitini yanada yoqimli qilishga ham xizmat qiladi.
Hokimlik xabariga ko‘ra, suv purkash, sug‘orish va favvoralar faoliyati birgalikda shahar mikroiqlimini yaxshilash, chang miqdorini kamaytirish va aholi uchun qulay muhit yaratishga qaratilgan.