Toshkentda 1912 yilda qurilgan tarixiy inshoot Zamonaviy san’at markaziga aylantirildi
Ko‘p yillar davomida qarovsiz holda bo‘lgan inshoot poytaxt sanoat me’morchiligining kamyob namunalaridan biri hisoblanadi
Toshkentda 1912 yilda bunyod etilgan tarixiy inshoot Zamonaviy san’at markaziga aylantirildi
Toshkent markazida joylashgan, 1912 yilda qurilgan sobiq dizel elektr stansiyasi binosi qayta tiklanib, Zamonaviy san’at markaziga aylantirildi.
Uzoq yillar davomida qarovsiz qolgan ushbu inshoot poytaxt sanoat me’morchiligining noyob namunalaridan biri sanaladi.
Tarixiy binodan tijorat maqsadlarida foydalanish o‘rniga, uni madaniyat va san’at taraqqiyotiga xizmat qiladigan maskanga aylantirish haqida qaror qabul qilindi. Loyiha Prezident Shavkat Mirziyoyev tashabbusi bilan amalga oshirildi.
Yangi markaz mahalliy rassomlar va yosh tadqiqotchilarni qo‘llab-quvvatlash, xalqaro hamkorlikni kengaytirish hamda ijodkorlar uchun yangi imkoniyatlar yaratishga yo‘naltirilgan.
Markaz o‘z faoliyatini «Hikmah» ko‘rgazmasi bilan boshlaydi. Unda 11 nafar san’atkorning ijod namunalari namoyish etilib, moziy hikmati, ajdodlar xotirasi va zamonaviy davr estetikasi o‘rtasidagi bog‘liqlik aks ettiriladi.