Toshkent viloyatida 6 kilogrammdan ortiq sintetik giyohvandlik vositalari musodara qilindi

1 soat oldin

Toshkent viloyatining Yuqori Chirchiq tumanida ichki ishlar organlari va Davlat xavfsizlik xizmati xodimlari tomonidan 6,1 kilogramm sintetik giyohvandlik vositalari musodara qilindi. Huquq-tartibot idoralari maʼlumotlariga koʻra, bu bilan 20 mingdan ortiq bir martalik dozaning tarqatilishi oldi olindi.

Tekshiruv oʻtkazilishiga giyohvandlik vositalarini yashirin joylar (zakladka) orqali tarqatuvchi bir guruh shaxslar haqidagi xabar asos boʻldi.

Operatsiya davomida bir fuqaro qoʻlga olindi. Xolislar ishtirokida uning uyi koʻzdan kechirilganda, huquq-tartibot idoralari xodimlari tarqatishga tayyorlab qoʻyilgan giyohvandlik moddalari solingan oʻramlarni aniqladilar.

Shundan soʻng tezkor xodimlar tergov maʼlumotlariga koʻra gumonlanuvchi tomonidan ijaraga olingan yana bir uyni tekshirdilar. U yerda oʻtkir hidli sintetik modda boʻlgan toʻrtta plastik konteyner, shuningdek, plastik idishda saqlanayotgan suyuq shakldagi sintetik modda topildi.

Yuqorichirchiq tumani hududida guruhning jami besh nafar taxminiy aʼzosi qoʻlga olindi. Huquq-tartibot idoralari talqiniga koʻra, qoʻlga olingan shaxs guruhning boshqa aʼzolari bilan birgalikda giyohvandlik vositalarini Telegram orqali nomaʼlum shaxsdan pul mukofoti evaziga olib, ijaraga olingan uyda saqlab kelgan.

Uchtepa tumani Ichki ishlar organlari faoliyatini muvofiqlashtirish boshqarmasi Tergov boʻlimi tomonidan Jinoyat kodeksining 273-moddasi bilan jinoyat ishi qoʻzgʻatildi. Gumonlanuvchilar qamoqqa olindi.

Germaniyadan sport anjomlari ichiga yashirilgan 3 kilogramm klefedron va 1 kilogramm gashish solingan joʻnatmani qabul qilib olgan 25 yoshli Chernogoriya fuqarosi. Uning vaqtinchalik yashash joyidan ham alfa-PVP solingan 11 ta tayyor yashirin oʻramlar (zakladka) topildi.