Toshkent va Mavrikiy ilk bor toʻgʻridan-toʻgʻri aviareyslar orqali bogʻlanadi
Toshkent va Mavrikiy ilk bor toʻgʻridan-toʻgʻri aviareyslar orqali bogʻlanadi
Ushbu yoʻnalishning yoʻlga qoʻyilishi haqida Oʻzbekiston va Mavrikiy turistik biznesi vakillari oʻrtasidagi ikki tomonlama ochiq muloqot davomida maʼlum boʻldi. Yanvar oyidagi ilk parvozdan soʻng yana toʻrtta reys amalga oshirilishi, 2027 yilning iyun oyidan boshlab esa haftada bir marta muntazam parvozlarga oʻtish rejalashtirilgan.
Toʻgʻridan-toʻgʻri aloqa paydo boʻlgunga qadar oʻzbekistonlik yoʻlovchilar orolga asosan Dubay yoki Istanbul orqali transfer bilan yetib borishardi. Parvozlar orasidagi kutishlarni hisobga olganda, butun yoʻl taxminan 14–17 soat davom etardi. Endilikda yoʻlga ketadigan vaqt taxminan ikki baravarga qisqaradi: Toshkentdan Mavrikiyga toʻgʻridan-toʻgʻri parvoz taxminan 8,5 soatni tashkil etadi.
Qarama-qarshi yoʻnalishdagi sayyohlar oqimi shu paytgacha juda kam boʻlib kelayotgan edi. Bunga toʻsqinlik qiluvchi asosiy omillardan biri toʻgʻridan-toʻgʻri transport qatnovining yoʻqligi edi: sayyohlar transferli murakkab va uzoq davom etadigan yoʻnalishlarni tanlashga majbur boʻlishardi.
Yangi yoʻnalishdan tranzit tashishlar uchun ham foydalanish rejalashtirilmoqda. Kelajakda Qozogʻiston, Rossiya va boshqa MDH davlatlaridan kelayotgan yoʻlovchilar Toshkent orqali Mavrikiyga uchishlari mumkin boʻladi.