Toshkent tumanlaridan birining aholisi kun boʻyi gazsiz qoladi

Toshkentning tumanlaridan birining aholisi kun boʻyi gazsiz qoladi

Bugun, 10 sentyabr kuni Toshkentning Bektemir tumanida taʼmirlash ishlari sababli tabiiy gaz yetkazib berish vaqtincha toʻxtatiladi.

"Hududgaz Poytaxt" matbuot xizmati xabar berishicha, cheklov toʻrtta koʻp qavatli uy va 250 ta xonadonga daxl qiladi.

Soat 10:00 dan 18:00 gacha "Iqbol" mahallasi va Suvsoz turar joy mavzesidagi 16, 16-A, 16-B va 17-B sonli koʻp qavatli uylar aholisi gazsiz qoladi.

Taʼmirlash ishlari yakunlangach, tabiiy gaz yetkazib berish bosqichma-bosqich tiklanadi. Kompaniya keltirilgan noqulayliklar uchun uzr soʻradi.