«Together. For Family»: Özbekiston vakillari Xitoyda bölib ötgan Chery Brand Night tadbirida iştirok etdi
Xitoyning Uxu şahrida «Birgalikda. Oila uçun» («Together. For Family») şiori ostida «Chery Brand Night 2026» tadbiri bölib ötdi. Dunyoning turli burçaklaridan kelgan mehmonlar qatorida Özbekistondan taşrif buyurgan vakillar va Chery avtomobillari egalari ham iştirok etdi.
«Together. For Family»: O‘zbekiston vakillari Xitoyda bo‘lib o‘tgan Chery Brand Night tadbirida ishtirok etdi
Kecha Chery foydalanuvchilarining 2026-yilgi xalqaro sammiti (Chery International User Summit 2026) doirasidagi asosiy tadbirlardan biri bo‘ldi. Chery turli mamlakatlardan kelgan avtomobil egalarini bir maydonda birlashtirdi, yangi modellarni taqdim etdi va brend avtomobillari kundalik hayotining bir qismiga aylangan oilalar hikoyalari bilan o‘rtoqlashdi.
O‘zbekiston vakillari uchun tadbirda ishtirok etish xalqaro auditoriyani mamlakatimizdagi Chery hamjamiyati va brend avtomobillari egalarining tajribasi bilan tanishtirish imkoniyati bo‘ldi.
Kechaning yorqin lahzalaridan biri Chery International tomonidan Chery Uzbekistan ambassadori sifatida Brand Night tadbiriga taklif etilgan o‘zbekistonlik ijrochi Konsta’ning chiqishi bo‘ldi.
Xalqaro tomoshabinlar oldida san’atkor o‘zining ikki kompozitsiyasi - «Insonlar» va «Sengacha» qo‘shiqlarini ijro etib, kecha dasturiga o‘ziga xos o‘zbekona ruh bag‘ishladi.
Konsta, shuningdek, Tiggo 8 PHEV avtomobili egasi hamdir. Uning tadbirdagi ishtiroki O‘zbekistondagi mijozlarning shahar ichidagi qatnovlarda elektr tortish kuchidan foydalanish va uzoq masofali safarlarda benzin dvigatelining qulayligini saqlab qolish imkonini beruvchi gibrid avtomobillarga qiziqishi ortib borayotganini aks ettiradi.
Chery Brand Night doirasida kompaniya turli mamlakatlardagi brend avtomobillarining eng sodiq egalarini ham taqdirladi.
Taqdirlanganlar orasida Chery’ning sodiq mijozlaridan biri, O‘zbekiston vakili Sardor Abdullayev ham bor. U kompaniya tomonidan avtomobil egalarining brendga bo‘lgan ishonchi va sodiqligini e’tirof etish uchun beriladigan «Brand Trust Star Award» mukofotiga sazovor bo‘ldi.
Avtomobil egalarining bunday hikoyalari «Oila uchun» falsafasining muhim qismidir. Chery uchun avtomobil texnologiyalari, avvalo, oilaning haqiqiy ehtiyojlariga javob berishi, kundalik safarlarni yanada qulay, shinam va amaliy qilishi lozim.
Kecha davomida Tiggo 7 va Tiggo X7 modellarining jahon premyeralari ham bo‘lib o‘tdi.