Termezda 10-sinf oʻquvchisi YHT sodir etdi, uning sinfdoshi halok boʻldi
Termezdagi maktabning 10-sinf oʻquvchisi tungi vaqtda onasining mashinasida YTH sodir etdi. Mashina boʻlaklarga boʻlinib ketgan, yigit ogʻir jarohat olgan, uning sinfdoshi esa halok boʻlgan. Uchastka inspektorining maʼlum qilishicha, maktab oʻquvchisi bilan bir necha bor profilaktik suhbatlar oʻtkazilgan, uning ota-onasi esa ogohlantirilgan.
Termizda 10-sinf oʻquvchisi YTH sodir etdi, unda uning sinfdoshi halok boʻldi
Termiz shahridagi 25-sonli maktabning 2010 yilda tugʻilgan 10-sinf oʻquvchisi onasining mashinasida YTHga uchrab, ogʻir tan jarohatlari oldi, uning sinfdoshi esa halok boʻldi.
Avariya Termiz tumani hududida 9 oktyabr kuni soat 1:00 da sodir boʻlgan. Oʻsmir Cobalt avtomobilida yuqori tezlikda harakatlanib, koʻcha oʻrtasidagi ustunga borib urilgan. Kuchli zarbadan avtomobil parchalanib ketgan. Rulda boʻlgan maktab oʻquvchisi hozirda reanimatsiyada.
Hodisadan soʻng YHXB xodimlari «avtomobil boshqarishga moyilligi boʻlgan» 23, 24 va 25-sonli maktablarning oʻquvchilari, shuningdek, ularning ota-onalari ishtirokida muhokama oʻtkazdi, deyiladi xabarda.
Uchatka inspektorining maʼlum qilishicha, avariya sodir etgan oʻquvchi bilan bundan oldin ham bir necha bor profilaktik suhbatlar oʻtkazilgan, uning ota-onasi esa ogohlantirilgan.
Tadbirda baʼzi ota-onalar tumanda yoʻl harakati xavfsizligini oshirish, xususan, piyodalar oʻtish joylariga svetoforlar oʻrnatish hamda Yoʻl harakati qoidalariga rioya etilishi ustidan nazoratni kuchaytirish zarurligini taʼkidladilar.
Maktab oʻquvchilari tomonidan avtomobillar boshqarilishi Oʻzbekistonda keng tarqalgan muammo boʻlib qolmoqda. Bu koʻpincha ogʻir oqibatlarga olib keladi.
Xabar qilinishicha, maktablarda soʻnggi qoʻngʻiroq kuni, 25 mayda Oʻzbekistonda oʻquvchilar avtomobil boshqargan 238 ta holat aniqlangan.