Siyosat
“Tashabbusli byudjet”da ovoz beruvchilar portreti ishga tushdi
Endi u yoki bu loyihaga ovoz beruvchi shaxslarning jinsi, mobil operatori va qaysi hududda roʻyxatdan oʻtganini ham koʻrish mumkin.
"Tashabbusli byudjet" loyihalariga ovoz bergan fuqarolar haqida ma'lumot olish imkonini beruvchi "Ochiq byudjet" portalida yangi funksiya – "Ovoz beruvchilar portreti" ishga tushirildi.
Endilikda har bir ovoz bo'yicha ovoz beruvchining jinsi, yoshi, hududi va qaysi aloqa operatori abonentligi kabi batafsil ma'lumotlar mavjud.
Barcha ovozlar "Bir fuqaro – bir ovoz" tamoyiliga muvofiq, tegishli tekshiruvlardan o'tkazilgandan so'ng qabul qilinadi.
Eslatib o'tamiz, ilgari portalda faqat ovoz beruvchilarning telefon raqamidagi oxirgi raqamlar va ovoz berilgan vaqtni ko'rish mumkin edi.