Tahdid Isroildan Avstriyaga uchayotgan samolyotni favqulodda qoʻnishga majbur qildi
Airbus samolyoti Bolgariyaga bexatar qoʻndi hamda bortdagi barcha yoʻlovchilar va ekipaj aʼzolari jarohat olmadi, dedi rasmiylar.
Bomba oʻrnatilgani haqidagi xabardan soʻng, tahdid sababli Izraildan Avstriyaga uchayotgan Austrian Airlines samolyoti Bolgariyaga favqulodda qoʻnishga majbur boʻldi.
Bolgariya Transport vazirligi bayonotiga koʻra, yakshanba oqshomida Tel-Avivdan Venaga uchayotgan Airbus A320 samolyoti Sofiyaga yoʻnalishini oʻzgartirgan va u yerda yoʻlovchilar evakuatsiya qilingan.
Vazirlikning bildirishicha, Bolgariya harbiy-havo kuchlari havo kemasini kuzatib borish uchun MiG-29 qiruvchi samolyotini havoga koʻtargan. Jabrlanganlar haqida xabar berilmagan, surishtiruv ishlari boshlangan.
Ushbu hodisa oʻtgan oyda Tel-Avivga uchayotgan Flydubai samolyotini olib qochishga boʻlgan urinishdan soʻng yuz berdi. Oʻshanda ikkinchi uchuvchi komandirga hujum qilgan, keyin ekipaj aʼzolari va yoʻlovchilar uni zarurtsizlantirgan hamda samolyot Saudiya Arabistoniga eson-omon qoʻngan edi.
Bolgariya va Izrail OAVlari bomba oʻrnatilgani haqida tahdid boʻlganini xabar qildi.
Austrian Airlines tahdid boʻlganini tasdiqladi, ammo qoʻshimcha tafsilotlarni oshkor etmadi. Avstriya axborot agentligi (AFP)ga matbuot kotibining maʼlum qilishicha, samolyot bortida 51 nafar yoʻlovchi va olti nafar ekipaj aʼzosi boʻlgan.
Samolyot Sofiyaga qoʻnganidan soʻng, rasmiylar xavf haqida birinchi signal berilganidan taxminan 30 daqiqa oʻtib xavfsizlik tekshiruvini oʻtkazdilar. Havo kemasi Sofiyaga yoʻnalishini oʻzgartirgan vaqtda Ruminiya hududi tepasida boʻlgan.
Parvozlarni kuzatish maʼlumotlari shuni koʻrsatdiki, Austrian Airlines aviakompaniyasining 82-reysi yakshanba kuni kechqurun Tel-Avivdagi Ben-Gurion aeroportidan uchib ketgan va uch soatdan keyin Sofiyadagi Vasil Levski aeroportiga qoʻngan.
Oʻtgan haftada Gretsiyaning Korfu dam olish orolidan Germaniyaning Nyurnberg shahriga uchayotgan tijorat samolyoti tasodifan samolyotni olib qochish haqidagi signalni faollashtirib yuborganidan soʻng, Xorvatiya va Germaniya qiruvchi samolyotlarini havoga koʻtargan edi.