Somalilik ayol Britaniya parlamentida Starmerning oʻrnini egalladi

1 soat oldin

Leyboristlar partiyasi vakili Sagal Abdi-Vali Londonning Xolborn va Sent-Pankras okrugidagi qoʻshimcha saylovlarda gʻalaba qozondi. Jamoatlar palatasida asli somalilik boʻlgan ayol Buyuk Britaniyaning sobiq bosh vaziri Kir Starmerning oʻrnini egallaydi.

Abdi-Vali 12,3 ming ovoz toʻplab, 8,9 ming saylovchi qoʻllab-quvvatlagan Yashillar partiyasi nomzodi Zak Polanskini ortda qoldirdi. Uchinchi oʻrinni 1,9 ming ovoz olgan konservator Yuen Kemeron egalladi.

Ovoz berish 8 oktyabr kuni boʻlib oʻtdi. Qoʻshimcha saylovlar sentyabr oyida Starmer deputatlik vakolatlarini topshirganidan keyin tayinlangan edi. Saylov natijalariga koʻra, leyboristlar ushbu okrugdagi oʻrinni oʻzlarida saqlab qolishdi.

Starmer bosh vazir lavozimidan ketish va Leyboristlar partiyasi yetakchisi vakolatlarini topshirish qarori haqida 22 iyun kuni maʼlum qilgan edi. Bundan oldin uzoq davom etgan ichki siyosiy bosim davri kuzatilgan boʻlib, buning oqibatida bosh vazirning pozitsiyasi, uning ishni davom ettirish niyati haqidagi avvalgi bayonotlariga qaramay, sezilarli darajada zaiflashgan edi. Hukumat rahbari uchun vaziyat may oyida Angliya, Uels va Shotlandiyada boʻlib oʻtgan mahalliy saylovlardan keyin kritik tus oldi, ularning yakunlariga koʻra leyboristlar bir yarim mingdan ortiq oʻrinni boy berishdi va bu keskin ichki tanqidlar toʻlqiniga sabab boʻldi.

, ki Starmerning Britaniya hukumati rahbari lavozimidagi vorisi avvalroq Katta Manchesterni boshqargan Endi Bernem boʻladi.