«Siti» «Liverpul»ga 3 ta gol urdi, «Betis» «Real»ni quvib oʻtdi
«Enfild»dagi oʻyinni bahsli qizil hal qildi, Husanov yana oʻynamadi. «Siti» 6 oʻyinda 6 gʻalabaga erishgan holda peshqadamlikni davom ettirmoqda; Ispaniyada «Betis» yirik hisobda gʻalaba qozonib, «Barsa»ni taʼqib qilmoqda. Keyingi turda oʻzaro oʻyin. Yakshanba oqshomida Yevropa futbolida roʻy bergan asosiy voqealar, oʻyinlardagi gollar va turnir jadvallaridagi vaziyat.
«Siti» «Liverpul» darvozasiga 3 ta gol urdi, «Betis» esa «Real»ni quvib oʻtdi
«Liverpul» – «Manchester Siti» 0:3
Gollar:
Holand, 65 (0:1). Doku, 68 (0:2). Sherki, 78 (0:3)
«Liverpul»: Alisson, van Deyk, Jake (Gomes, 88), Kerkez, Arauxo (Frimpong, 75), Makallister, Gravenberh, Virs (Nioni, 66), Barkolya (Kiyeza, 88), Munios, Kumas (Ngumoa, 75)
«Manchester Siti»: Donnarumma, Ruben Diash, Geyi, OʼRayli (Gvardiol, 66), Mateush Nunesh, Anderson, Fernandes (Buaddi, 80), Sherki, Semenio, Ndiay (Doku, 56), Holand (Allan, 80)
Ogohlantirishlar: Arauho, 8. Gravenberh, 47. van Deyk, 90 – OʼRayli, 58. Buaddi, 86
Chetlatish: Gravenberh, 62 (ikkinchi sariq)
«Manchester Siti» moliyaviy firibgarliklarda ayblanganidan soʻng ilk uchrashuvini «Enfild»da oʻtkazdi. Tribunadagi mezbon muxlislar esa raqibning har bir toʻpga tegishini hushtaklar bilan kutib oldi va «Cheats!» (gʻirromchilar) deb baqirishdi.
«Liverpul» bu bahs oldidan tarkibda jiddiy yoʻqotishlarga duch kelgandi: xalqaro tanaffus vaqtida jamoaning hujum chizigʻi butunlay zaiflashgan edi (Isak, Gakpo va Soboslai safdan chiqqan) va Andoni Iraola boshlangʻich tarkibda 21 yoshli vinger Kumasni markaziy hujumchi sifatida maydonga tushirishga majbur boʻldi.
Uchrashuvning birinchi boʻlimi ikkala jamoa ham xalqaro tanaffusda anchagina kuch yoʻqotganini koʻrsatdi: «Siti»da ham, «Liverpul»da ham milliy terma jamoa yigʻinlaridan qaytgan futbolchilar juda koʻp edi.
Statistik jihatdan mezbonlar biroz ustunlik qildi, biroq boʻlim davomida haqiqiy golli vaziyatlar yuzaga kelmadi. Har ikki jamoa murabbiyi ham tavakkalga bormadi va ehtiyotkor uslubni tanladi.
Ikkinchi boʻlimda nihoyat jamoalar futbol oʻynay boshladi. Avval «Liverpul» hujumga oʻtdi va ketma-ket xavfli vaziyatlar yaratdi. 49-daqiqada Kumas xavfli zarba berdi, Donnarumma toʻpni qaytardi. Hujumning ikkinchi tempida Makkalister ham xavfli zarba yoʻlladi, bu safar toʻp ustun yonidan oʻtib ketdi. Gravenberhning zarbasi ham aniq chiqmay qoldi.
Mezbonlar zarbalar boʻyicha 12:4 hisobida ustunlik qilayotgandi va hisob ochilishi muqarrardek tuyulardi. Ammo 56-daqiqada «Siti» bosh murabbiyi Enso Mareska hal qiluvchi oʻzgarishni amalga oshirdi: maydonda borligi sezilmagan Ndiay oʻrniga Doku tushirildi va voqealar quyidagicha davom etdi: