Sietlda O‘zbekiston Bosh konsulxonasi ochildi
Sietlda O‘zbekiston Bosh konsulxonasining tantanali ochilishi bo‘lib o‘tdi. Yangi vakolatxona AQSHning G‘arbiy sohilida faoliyat yuritadi.
Sietlda O‘zbekiston Bosh konsulxonasi ish boshladi
Sietl shahrida O‘zbekiston Bosh konsulxonasining tantanali ochilish marosimi o‘tkazildi. Konsulxona joriy yil bahoridan beri faoliyat yuritib kelmoqda.
Mazkur tadbir AQSHning G‘arbiy sohilidagi diplomatik vakolatxonaning rasman ishga tushirilganini anglatdi.
AQSHning yirik megapolislari — Sietl, Filadelfiya, Chikago va Orlando shaharlarida yangi diplomatik vakolatxonalar ochilishi Amerika–O‘zbekiston biznes va investitsiya kengashini tuzish haqidagi Prezident farmonida nazarda tutilgan.
Konsulliklarning asosiy vazifalaridan biri mamlakat bo‘ylab o‘zbek diasporalari bilan integratsiyani taʼminlash, shuningdek, savdo-iqtisodiy loyihalarni ilgari surishga ko‘maklashish etib belgilangan.
Sietldagi diplomatik vakolatxona Vashingtondagi elchixona maslahatchi-vakili, AQSHda Prezident Administratsiyasi vakili sifatida faoliyat yuritayotgan Komil Allamjonovga ham bevosita ko‘mak beradi.
Diplomatik huzurning kengaytirilishigacha O‘zbekistonning AQSHdagi yagona vakolatxonalari Vashingtondagi elchixona va Nyu-Yorkdagi Bosh konsulxona edi.
Sietldagi vakolatxona ochilishi bilan respublika fuqarolari va Tinch okeani sohilidagi tadbirkorlar to‘laqonli diplomatik va konsullik vakiliga ega bo‘ldi.