Shoshiling, arzonlashdi! Turk investorlari Oʻzbekistonda 350 mln dollarga 30 dan ortiq davlat aktivini sotib oldi
Turk biznesi Oʻzbekistondagi ishtirokini nafaqat yangi investitsiyalar evaziga, balki davlat korxonalarini xususiylashtirish orqali ham kengaytirmoqda. Soʻnggi yillarda turkiyalik investorlar umumiy qiymati 350 million dollarga yaqin boʻlgan 30 dan ortiq davlat aktivini sotib oldilar. Bu haqda Samarqandda boʻlib oʻtgan SamAuto Supplier Day uchrashuvida Davlat aktivlarini boshqarish agentligi rahbari Sohibjon Murodov maʼlum qildi. Xalqaro ishbilarmonlik uchrashuvi […]
Shoshiling, arzonlashdi! Turk investorlari Oʻzbekistonda 350 mln dollarga 30 dan ortiq davlat aktivini sotib olishdi
Turkiya biznesi Oʻzbekistondagi oʻz ishtirokini nafaqat yangi kiritilayotgan sarmoyalar, balki davlat korxonalarini xususiylashtirish orqali ham kengaytirmoqda. Soʻnggi yillarda turkiyalik investorlar umumiy qiymati qariyb 350 mln dollarga teng boʻlgan 30 dan ortiq davlat aktivini xarid qilishdi. Bu haqda Davlat aktivlarini boshqarish agentligi rahbari Sohibjon Murodov Samarqandda oʻtkazilgan SamAuto Supplier Day uchrashuvida maʼlum qildi.
Xalqaro amaliy uchrashuv Oʻzbekiston va Turkiya oʻrtasidagi sanoat kooperatsiyasini rivojlantirishga bagʻishlandi. Unda ikki mamlakat davlat organlari, sanoat korxonalari va ishbilarmon doiralarining 150 dan ortiq vakili ishtirok etdi.
Sohibjon Murodovning soʻzlariga koʻra, Turkiyaning Oʻzbekiston iqtisodiyotiga kiritgan investitsiyalarining umumiy hajmi qariyb 10 mlrd dollarga yetdi. U xususiylashtirishni shunchaki davlat aktivlarini sotish usuli emas, balki kapitalni jalb qilish, korxonalarni modernizatsiya qilish, zamonaviy texnologiyalarni joriy etish va yangi ish oʻrinlarini yaratish quroli deb atadi.
«Biz turk investorlarini uzoq muddatli strategik hamkorlar sifatida koʻramiz», — deb taʼkidladi agentlik rahbari.
Bunday hamkorlikning eng eʼtiborga molik misollaridan biri SamAuto bilan tuzilgan bitim boʻldi. 2025 yilda Turkiyaning Anadolu Isuzu kompaniyasi korxonadagi 75,2% ulushni sotib oldi. Ushbu bitim ishlab chiqarishni rivojlantirish, lokalizatsiya darajasini oshirish va eksport salohiyatini kengaytirish uchun yangi imkoniyatlar ochdi.
Oʻzbekiston uchun xususiylashtirishga xorijiy investorlarni jalb qilish nafaqat biznesni xususiy boshqaruvga topshirish, balki korxonalarni kapital, texnologiyalar va yangi sotuv bozorlari bilan taʼminlash imkoniyatini anglatadi. Biroq bunday bitimlarning keyingi samarasi yangi egalar ishlab chiqarishni modernizatsiya qilish va rivojlantirish boʻyicha bildirilgan rejalarni qanchalik amalga oshira olishiga bogʻliq boʻladi.