Shavkat Mirziyoyev Toshkentda Qatar Amiri bilan uchrashuv oʻtkazdi
Oʻzbekiston Prezidenti Shavkat Mirziyoyev respublikaga amaliy tashrif bilan kelgan Qatar Davlati Amiri shayx Tamim bin Hamad Ol Soniy bilan uchrashuv oʻtkazdi. Muzokaralar davomida tomonlar oliy darajadagi faol aloqalar va tizimli ishlar tufayli strategik sheriklik darajasiga koʻtarilgan ikki tomonlama munosabatlarning rivojlanishini qayd etdilar. Yetakchilar hamkorlikning mustahkamlanishi doʻstona aloqalarning yanada rivojlanishiga xizmat qilishini taʼkidladilar […]
Shavkat Mirziyoyev Toshkentda Qatar Emiri bilan uchrashuv oʻtkazdi
Oʻzbekiston Prezidenti Shavkat Mirziyoyev respublikaga amaliy tashrif bilan kelgan Qatar Davlati Emiri sheyx Tamim bin Hamad Ol Soniy bilan uchrashdi.
Muzokaralar davomida oliy darajadagi faol aloqalar va tizimli ishlar tufayli ikki tomonlama munosabatlar strategik sheriklik darajasiga koʻtarilgani taʼkidlandi.
Tomonlar hamkorlikni mustahkamlash ikki davlat oʻrtasidagi doʻstona aloqalarni yanada rivojlantirishga xizmat qilishini urgʻuladilar.
Ilgari oliy darajada erishilgan kelishuvlarni amalga oshirishga alohida eʼtibor qaratildi. Tomonlar savdo-iqtisodiy, investitsiyaviy, ijtimoiy va gumanitar sohalardagi qoʻshma loyihalarni yanada kengaytirishga kelishib oldilar.
Bundan tashqari, Shavkat Mirziyoyev va sheyx Tamim bin Hamad Ol Soniy xalqaro va mintaqaviy kun tartibidagi dolzarb masalalar yuzasidan fikr almashdilar.
Uchrashuv Oʻzbekiston va Qatar oʻrtasidagi strategik sheriklikni yanada mustahkamlash hamda hamkorlikning ustuvor yoʻnalishlari boʻyicha amaliy hamkorlikni kengaytirishga qaratilgan.